بۇگىن، 28 تامىز كۇنى اقش-تىڭ جاھاندىق ىنتىماقتاستىق جونىندەگى ارنايى وكىلى پاولو زامپوللي وزبەكستانعا جۇمىس ساپارىمەن باردى، دەپ حابارلايدى «ادىرنا» ءتىلشىسى.
ونىڭ ساپارى تاۋەلسىزدىك كۇنى مەرەكەسىنە ورايلاستىرىلعان جانە ەلدەر اراسىنداعى ىنتىماقتاستىق پەن دوستىق بايلانىستاردى ودان ءارى نىعايتۋعا باعىتتالعان ماڭىزدى قادام رەتىندە قاراستىرىلۋدا.
زامپوللي وزبەكستاننىڭ سىرتقى ىستەر ءمينيسترى باحتيور سايدوۆپەن ناتيجەلى كەلىسسوزدەر جۇرگىزدى. كەزدەسۋ بارىسىندا تاراپتار ءبىلىم بەرۋ، مادەنيەت، يننوۆاتسيالار مەن بيزنەس سالالارىنداعى ىنتىماقتاستىق مۇمكىندىكتەرىن، سونداي-اق وڭىرلىك جانە جاھاندىق ماڭىزى بار بىرقاتار ماسەلەلەردى تالقىلادى.
ء«بىز زامپولليمەن جەمىستى كەزدەسۋ وتكىزدىك. ەكى ەل اراسىندا بەرىك كوپىر قۇرۋ جونىندە پىكىر الماستىق. كەلىسسوزدەر بارىسىندا وڭىرلىك جانە جاھاندىق ماڭىزى بار بىرقاتار ماسەلەلەرگە دە توقتالىپ، ورتاق كوزقاراستارىمىزدى بىلدىردىك. ءبىز وركەندى بولاشاق جولىندا بىرلەسىپ جۇمىس ىستەۋگە نيەتتىمىز»،— دەدى سايدوۆ ءوزىنىڭ Telegram-ارناسىندا.
ايتا كەتەيىك، اقش — وزبەكستاننىڭ ماڭىزدى ەكونوميكالىق سەرىكتەسىنىڭ ءبىرى. 2024 جىلى تاۋار اينالىمى 15 پايىزعا وسكەن بولاتىن. جوبالار پورتفەلى 11 ميلليارد دوللاردان اسىپ وتىر.
