مەملەكەت باسشىسى قاسىم-جومارت توقاەۆ كورنەكتى اقىن، قازاقستاننىڭ حالىق جازۋشىسى مارفۋعا ايتحوجانى 90 جاسقا تولعان مەرەيتويىمەن قۇتتىقتادى، دەپ حابارلايدى "ادىرنا" ءتىلشىسى.
بۇل تۋرالى مادەنيەت جانە اقپارات ءمينيسترى ايدا بالاەۆا الەۋمەتتىك جەلىدەگى پاراقشاسىندا جازدى.
مەملەكەت باسشىسى مارفۋعا ايتحوجانىڭ شىعارماشىلىعىندا قازاق دالاسى، ەل تاريحى، حالىقتىڭ ىنتىماعى مەن سالت-ءداستۇرى كەڭىنەن كورىنىس تاپقانىن ايتتى.
«قازاقتىڭ دارحان دالاسى مەن تامىرى تەرەڭ تاريحىن، ۇلتىمىزدىڭ ىنتىماق-بىرلىگى مەن سالت-ءداستۇرىن ءورشىل دە سىرشىل ولەڭدەرىڭىزگە ارقاۋ ەتتىڭىز. وقىرمان قاۋىم جىرلارىڭىزدى ءسۇيسىنىپ وقيدى جانە ءوزىڭىزدى «قازاقتىڭ جىر اققۋى» دەپ ارداقتايدى»، – دەلىنگەن قۇتتىقتاۋدا.
پرەزيدەنت اقىنعا زور دەنساۋلىق، ۇزاق عۇمىر تىلەپ، الداعى ۋاقىتتا دا ونەگەلى ومىرىمەن وسكەلەڭ ۇرپاققا ۇلگى بولىپ، ەل-جۇرتتىڭ قۇرمەتىنە بولەنە بەرۋىنە تىلەكتەستىك ءبىلدىردى.
