ريو وليمپياداسىنىڭ كۇمىس جۇلدەگەرى، تانىمال زىلتەمىرشى جازيرا جاپپارقۇل ساۋدامەن اينالىسىپ جۇرگەنىن ايتتى، دەپ حابارلايدى "ادىرنا" ۇلتتىق پورتالى.
بۇل تۋرالى سپورتشى Aqyrys Seitqazy YouTube ارناسىنا بەرگەن سۇحباتىندا ايتتى.
سپورتشى جاپپارقۇل شىمكەنتتەگى بازارلاردىڭ بىرىندە ءوز كاسىبىن دوڭگەلەتىپ جاتقانىن حابارلاعان. ايتۋىنشا، ساۋدا ورنىن ءوزى باسقارىپ، بارلىق تاۋارلاردى تىكەلەي ءوزى تاپسىرىس بەرەدى.
«بازاردا ساۋدا جاسايمىن. ول جەردە ءوزىمنىڭ ادامدارىم بار. اراسىندا ءوزىم دە بارىپ، باقىلاپ تۇرامىن. اشىپ كەتىپ قالۋ دەگەن جوق. ءبارىن باسى-قاسىندا تۇرىپ جۇرگىزۋ كەرەك»، – دەدى سپورتشى.
سپورتشى كوپشىلىكتىڭ ونىڭ بازاردا جۇرگەنىنە تاڭعالىپ قارايتىنىن جاسىرمادى.
«كەيدە ساتىپ الۋشىلار مەنى تانىپ، «سەن بازارعا شىعىپ كەتتىڭ بە؟» دەپ سۇرايدى. سوندا نە بولىپتى؟ مەن بىرەۋدىڭ نانىن تارتىپ الىپ ءجۇرمىن بە؟ ءىشىپ كەتسەم، «مال بولىپ كەتتى» دەيسىڭدەر، جۇمىس ىستەسەڭ، تاعى بىردەڭە دەيسىڭدەر. ءتۇزۋ سويلەپ ۇيرەنىڭدەرشى»، – دەپ رەنىشىن ءبىلدىردى جاپپارقۇل.
