يران ازاماتتارىنا اقش اسكەري قىزمەتكەرلەرىن ولتىرگەنى نەمەسە تۇتقىنعا العانى ءۇشىن دەيىن سىياقى تولەنەدى. بۇل تۋرالى ەل اسكەرىنىڭ قولباسشىسى امير حاتامي ايتتى، دەپ حابارلايدى «ادىرنا» ءتىلشىسى.
«امەريكالىق ساربازدى ولتىرگەن نەمەسە تۇتقىنعا العان ادامعا يران ارمياسى 30 مىڭ اقش دوللارى كولەمىندە سىياقى بەرەدى. ال وسى ىستە ناتيجەگە قول جەتكىزگەن يراندىق ايەلدەرگە ەكى ەسە كوپ سىياقى تولەنەدى»، – دەدى ول.
سونداي-اق امەريكالىق ساربازداردى جويۋ ءۇشىن پايدالانىلعان قارۋدى يران ارمياسى نارىقتاعى باعاسىنان ەكى ەسە جوعارى باعامەن ساتىپ الاتىنى ايتىلدى. ال تاپسىرىلعان قارۋدىڭ ورنىنا جاڭا قارۋ بەرىلمەك.
ەسكە سالايىق، بۇعان دەيىن اقش پرەزيدەنتى دونالد ترامپ جاقىن ارادا ورمۇز بۇعازىن اقش اۋماعى دەپ جاريالاۋ نيەتى بار ەكەنىن مالىمدەگەن بولاتىن. بۇعان جاۋاپ رەتىندە يران ارمياسىنىڭ قولباسشىسى اقش-تى ءوز اۋماعىنان «قۋىپ شىعاتىنىن»، سونداي-اق پارسى شىعاناعى، ومان شىعاناعى جانە ورمۇز بۇعازىنا كىرۋگە تىيىم سالاتىنىن مالىمدەگەن.
