بەرلين كينوفەستيۆالىنىڭ جەڭىمپازى، يراندىق رەجيسسەر موحامماد راسۋلوف سەگىز جىلعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى. سونىمەن قاتار، وعان دۇرەمەن ۇرىپ-سوعۋعا، ايىپپۇل تولەۋگە جانە مۇلكىن تاركىلەۋگە ۇكىم شىعاردى، دەپ مالىمدەدى ادۆوكات باباك پاكنيا.
ادۆوكاتتىڭ ايتۋىنشا، بۇل شەشىمدى يسلام رەۆوليۋتسياسى سوتىنىڭ فيليالى شىعارعان جانە ونى اپپەلياتسيالىق كوميسسيا دا راستاپ ۇلگەرگەن. ءىس ۇكىمدى ورىنداۋعا باعىتتالعان.
پاكنيا مۇنداي ۇكىم شىعارۋدىڭ باستى سەبەبى رەجيسسەردىڭ كوپشىلىك الدىندا مالىمدەمە جاساۋى، سونداي-اق ونىڭ كوركەم فيلمدەر مەن دەرەكتى فيلمدەر جاساۋى بولعانىن ءتۇسىندىردى. ونىڭ فيلمدەرى سوتتىڭ پىكىرىنشە، «قاۋىپسىزدىككە قارسى قىلمىس جاساۋعا ۇگىتتەيدى».
فەرعانا اگەنتتىگىندەگى دەرەككە سۇيەنسەك، رەجيسسەر «قاسيەتتى ءىنجىر تۇقىمى» دەگەن سوڭعى جۇمىسى ءۇشىن جازالانعان بولۋى مۇمكىن. بۇقارالىق اقپارات قۇرالدارىنىڭ حابارلاۋىنشا، وتكەن ايدا پاكنيا فيلم ءتۇسىرۋ توبىنىڭ قاماۋعا الىنعانىن جانە جاۋاپ الىنعانىن حابارلادى. ناتيجەسىندە فيلمگە تارتىلعان يراندىقتار ليتسەنزياسىز ءتۇسىرىلدى، ال اكتريسالاردى «حيدجابتى دۇرىس ەمەس كيگەن» دەپ ايىپتادى.
راسۋلوفتىڭ جاڭا ءفيلمى ۇكىمەتكە قارسى اۋقىمدى شەرۋلەردىڭ سالدارىمەن كۇرەسىپ جاتقان تەگەرانداعى رەۆوليۋتسيالىق سوتتىڭ سۋدياسىنا ارنالعانى بەلگىلى. كانن كينوفەستيۆالى اياسىندا «قاسيەتتى ءىنجىر تۇقىمى» ءفيلمىنىڭ پرەمەراسى 14-25 مامىر ارالىعىندا وتەدى دەپ كۇتىلۋدە.
