ءريمنىڭ وڭتۇستىگىندە ورنالاسقان كوللەفەررو قالاسىنداعى ءىرى وق-ءدارى وندىرەتىن كاسىپورىن جارىلىپ، ءورت بولدى. بۇل تۋرالى ANSA باسىلىمى جازدى، دەپ حابارلايدى "ادىرنا".
باسىلىم مالىمەتىنشە, جارىلىس بۇگىندەرى KNDS Ammo Italy كومپانياسىنا تيەسىلى بۇرىنعى Simmel Difesa زاۋىتىندا بولعان.
بۇل كومپانيا قۇرلىق جانە اسكەري-تەڭىز كۇشتەرىنە ارنالعان ورتاشا جانە ءىرى كاليبرلى وق-دارىلەردى، سونداي-اق اەروعارىشتىق زىمىراندارعا ارنالعان قاتتى وتىن شىعارادى.
الدىن الا مالىمەتتەر بويىنشا، جارىلىس وق-ءدارى ۇنتاقتارىن سىعىمداۋ تسەحىندا بولعان. ازىرگە زارداپ شەككەندەر تۋرالى اقپارات جوق.
وقيعا ورنىندا بىرنەشە ءورت ءسوندىرۋ بريگاداسى جۇمىس ىستەپ جاتىر، الايدا ولار ءورتتى سوندىرۋگە كىرىسە الماي وتىر.
ۇقساس جاڭالىقتار
