قازاقستان سىرتقى ىستەر ءمينيسترىنىڭ ءبىرىنشى ورىنباسارى ەرجان اشىقباەۆ پەن گرەكيانىڭ قازاقستانداعى ەلشىسى انتونيا كاتسۋرۋ ەكىجاقتى ىنتىماقتاستىقتى دامىتۋ ماسەلەلەرىن تالقىلادى. كەزدەسۋدە ەنەرگەتيكا، ساۋدا جانە كولىك سالالارىنا ەرەكشە نازار اۋدارىلدى. بۇل تۋرالى قازاقستان سىرتقى ىستەر مينيسترلىگى مالىمدەدى، دەپ حابارلايدى "ادىرنا".
تاراپتار قازاقستان مۇنايىن ەۋروپا نارىعىنا ەكسپورتتاۋدا ستراتەگيالىق ماڭىزعا يە كاسپي قۇبىر كونسورتسيۋمىنىڭ (كقك) جۇمىسىنا قاتىستى پىكىر الماستى.
كەزدەسۋ بارىسىندا ەنەرگەتيكالىق ينفراقۇرىلىمنىڭ تۇراقتى جۇمىس ىستەۋىنىڭ، ەنەرگيا رەسۋرستارىن حالىقارالىق نارىقتارعا ۇزدىكسىز ءارى تۇراقتى جەتكىزۋدىڭ ماڭىزى اتاپ ءوتىلدى. سونداي-اق كەمەلەردىڭ قاۋىپسىزدىگىن قامتاماسىز ەتۋ جانە تەڭىزدە ەركىن ءجۇزۋ ماسەلەلەرى ءسوز بولدى.
گرەكيا ەلشىسى ەكى ەل ءۇشىن ورتاق مۇددە تۋدىراتىن بارلىق باعىت بويىنشا ىنتىماقتاستىقتى ودان ءارى دامىتۋعا دايىن ەكەنىن مالىمدەدى. ونىڭ ىشىندە ەنەرگەتيكا، ساۋدا، ينۆەستيتسيا، كولىك جانە گۋمانيتارلىق بايلانىستار بار.
ايتا كەتەيىك، قازاقستاننىڭ ەكسپورتقا شىعاراتىن مۇنايىنىڭ شامامەن 80 پايىزى كاسپي قۇبىر كونسورتسيەنتى ارقىلى تاسىمالدانادى.
