«قازاق گازەتتەر» جشس-ءنىڭ Kazgazeta.kz سايتى جاڭارتىلعان ديزاينمەن وقىرمان نازارىنا ۇسىنىلدى، دەپ حابارلايدى "ادىرنا" ۇلتتىق پورتالى.
جاڭارتىلعان پلاتفورمانىڭ قۇرىلىمى ىقشامدالىپ، پايدالانۋشىلارعا قاجەتتى اقپاراتتى جىلدام ءارى ىڭعايلى تابۋعا مۇمكىندىك بەرەدى. سونىمەن قاتار سايت ينتەرفەيسى جەڭىل قابىلداناتىن زاماناۋي فورماتتا ازىرلەنگەن. جاڭا نۇسقانىڭ باستى ەرەكشەلىكتەرىنىڭ ءبىرى – «قازاق گازەتتەر» جشس قۇرامىنداعى بارلىق باسىلىمداردىڭ ماتەريالدارى ءبىر ورتاعا بىرىكتىرىلىپ، وقىرمانعا قولايلى فورماتتا ۇسىنىلۋى.
سايتتى جاڭارتۋ بارىسىندا ءموبيلدى قۇرىلعىلارعا بەيىمدەلۋىنە ەرەكشە نازار اۋدارىلعان. سونداي-اق بۇرىن جاريالانعان ماتەريالداردىڭ ءارحيۆىن تولىق ساقتاۋ ماسەلەسى دە ەسكەرىلگەن. جوبا اۆتورلارىنىڭ ايتۋىنشا، قازىرگى وقىرمان ءۇشىن ساپالى كونتەنتپەن قاتار، ونى ىڭعايلى تسيفرلىق پلاتفورما ارقىلى وقۋ ماڭىزدى. وسىعان بايلانىستى جاڭا ديزاين مەديانىڭ تسيفرلىق دامۋىنداعى ماڭىزدى قادامداردىڭ ءبىرى سانالادى.
جاڭارتىلعان Kazgazeta.kz پلاتفورماسى قازاقتىلدى ينتەرنەت كەڭىستىگىن دامىتۋعا ۇلەس قوسىپ، وقىرمان مەن رەداكتسيا اراسىنداعى بايلانىستى ودان ءارى نىعايتۋعا باعىتتالعان.
