بۇعان دەيىن ميلليون تەڭگەگە جۋىق ايىپپۇل ارقالاعان ءدىني ميسسيونەرلىكپەن اينالىسۋعا تىيىم سالىنعان دارىن ءمۇباروۆتىڭ سۇحباتىنا قۇقىقتىق ساراپتاما جاسالىپ جاتىر. بۇل تۋرالى استانا قالاسىنىڭ ءدىن ىستەرى جونىندەگى باسقارماسى ايتتى، دەپ حابارلايدى «ادىرنا» ءتىلشىسى.
باسقارمانىڭ مالىمەتىنشە، اتالعان كونتەنت بۇعان دەيىن جاسالعان ەسكەرتۋلەرگە قاراماستان الەۋمەتتىك جەلىلەردە جاريالانعان.
«استانا قالاسىنىڭ ءدىن ىستەرى جونىندەگى باسقارماسىنىڭ ماماندارى ينتەرنەت-كەڭىستىكتە زاڭسىز ميسسيونەرلىك قىزمەتپەن اينالىساتىن جانە ءدىني ماتەريالدار جاريالايتىن جەلى قولدانۋشىلارىنىڭ اراسىندا اينۇر اسەنبەردى اتتى ءجۋرناليستتىڭ الەۋمەتتىك جەلىدەگى پاراقشالارىنا مونيتورينگ جۇمىستارىن جۇرگىزدى. مونيتورينگ بارىسىندا اينۇر اسەنبەردىنىڭ 31.07.2026 جىلى youtube پاراقشاسىندا جاريالانعان «سىزگە ۋاعىز ايتۋعا تيىم سالىندى. ەندى نە ىستەيسىز؟ دارىن مۋباروۆ|» اتتى پودكاستقا قر اۋماعىندا تىركەۋسىز ءدىني ميسسيونەرلىكپەن اينالىسقان دارىن مۋباروۆپەن تۇسىرگەن پودكاستى انىقتالعان»،—دەلىنگەن حابارلامادا.
اتالعان ماتەريال بويىنشا قۇقىقتىق باعا بەرىلىپ، ءدىني زاڭنامانى بۇزۋ انىقتالعان جاعدايدا ءتيىستى شارالار قابىلدانباق.
بۇعان دەيىن دارىن مۇباروۆقا 865 مىڭ تەڭگە ايىپپۇل سالىنعانىن جازعان ەدىك.
