جازۋشى مۇرات بەكتەنوۆ ومىردەن ءوتتى

جازۋشى، بەلگىلى ولكەتانۋشى، قازاقستان جازۋشىلار وداعىنىڭ مۇشەسى مۇرات بەكتەنوۆ 80 جاسقا قاراعان شاعىندا دۇنيەدەن وزدى. قارالى حاباردى قر جازۋشىلار وداعىنىڭ ءباسپاسوز قىزمەتى ەستىرتتى، دەپ حابارلايدى “ادىرنا”.

مۇرات بەكتەنوۆ – جازۋشى، جۋرناليست، ولكەتانۋشى، ماحامبەت اۋدانىنىڭ قۇرمەتتى ازاماتى.

ۇزاق جىلدار بويى جۋرناليستيكا سالاسىندا ەڭبەك ەتىپ، تۋعان ولكەنىڭ تاريحىن، مادەني مۇراسىن، تاريحي تۇلعالارىن زەرتتەۋگە جانە ناسيحاتتاۋعا ەلەۋلى ۇلەس قوستى. ونىڭ شىعارماشىلىعى تۋعان جەردىڭ وتكەنى مەن بۇگىنىنە، ەل تاريحىنا، ۇلتتىق قۇندىلىقتاردى دارىپتەۋگە ارنالعان دەرەكتى-تانىمدىق ەڭبەكتەرىمەن ەرەكشەلەنەدى.