2026 جىلدىڭ تامىز ايىندا قازاقستاندىقتارعا قوسىمشا مەرەكەلىك دەمالىس بەرىلمەيدى، دەپ حابارلايدى "ادىرنا" ۇلتتىق پورتالى.
30 تامىز دەپ بەكىتىلگەن كونستيتۋتسيا كۇنى 15 ناۋرىزعا اۋىسقاننان كەيىن قازاقستاندىقتار تامىز ايىندا قوسىمشا دەمالمايدى.
وندىرىستىك كۇنتىزبەگە سايكەس، بەس كۇندىك جۇمىس اپتاسىمەن ەڭبەك ەتەتىن ازاماتتار تامىز ايىندا 21 جۇمىس كۇنى جۇمىس ىستەپ، 10 كۇن دەمالادى. ال التى كۇندىك جۇمىس اپتاسىمەن ەڭبەك ەتەتىندەر ءۇشىن 26 جۇمىس كۇنى جانە 5 دەمالىس كۇنى قاراستىرىلعان.
سونىمەن قاتار تامىز ايىندا ەلىمىزدە بىرنەشە كاسىبي جانە اتاۋلى كۇن اتالىپ وتەدى. اتاپ ايتقاندا:
• تامىزدىڭ ءبىرىنشى جەكسەنبىسى – تەمىرجول كولىگى قىزمەتكەرلەرىنىڭ كۇنى;
• 10 تامىز – اباي كۇنى;
• تامىزدىڭ ەكىنشى جەكسەنبىسى – قۇرىلىسشىلار كۇنى;
• تامىزدىڭ ءۇشىنشى جەكسەنبىسى – سپورت كۇنى;
• 18 تامىز – شەكاراشىلار كۇنى;
• 29 تامىز – سەمەي يادرولىق سىناق پوليگونىنىڭ جابىلعان كۇنى;
• تامىزدىڭ سوڭعى جەكسەنبىسى – شاحتەرلەر كۇنى.
اتالعان كۇندەر رەسمي مەرەكە جانە دەمالىس كۇنى بولىپ سانالمايدى.
