اتىراۋدا وتكەن ەرەكشە دروندار شوۋى قالا تۇرعىندارى مەن قوناقتارىن 23 تامىزدا وتەتىن سايلاۋعا بەلسەندى قاتىسۋعا شاقىردى. قۇرىلتاي دەپۋتاتتارىن سايلاۋ كۇنى تۇنگى اسپاندا دروندار جارىعىمەن بەينەلەندى. «ادىلەت» پارتياسى ءوڭىر جۇرتىن سايلاۋدا داۋىس بەرۋگە وسىنداي ەرەكشە ادىسپەن ۇگىتتەۋدى ءجون كورگەن، دەپ حابارلايدى «ادىرنا».
بۇل پارتيانىڭ رەسپۋبليكالىق سايلاۋالدى شتابىنىڭ اتىراۋ وبلىسىنا جۇمىس ساپارىنىڭ قورىتىندىسى ەدى. بەيبارىس سۇلتان اتىنداعى ورتالىق الاڭعا جينالعان 20 مىڭعا جۋىق تۇرعىن مەن قالا قوناعى كونتسەرتتىك باعدارلامانى تاماشالاپ، كەشتىڭ شارىقتاۋ شەگىنە اينالعان دروندار شوۋىنا كۋا بولدى.
الدىمەن ساحناعا قازاقستاندىق ەسترادا جۇلدىزدارى رايىم مەن بەيبىت قورعان جانە وزگە دە ەسترادا جۇلدىزدارى شىعىپ، كوپشىلىككە تانىمال اندەرىن ورىندادى. مىڭداعان كورەرمەن اندەردى قوسىلا شىرقاپ، الاڭدى ۇلكەن مەرەكەلىك اتموسفەراعا بولەدى.
سوڭىنا قاراي كوككە ۇشقان 500 اپپارات مەملەكەتتىك نىشانداردان بولەك، ءوڭىر جۇرتىنا ەرەكشە ىستىق مۇناي قوندىرعىسى مەن بەكىرە بەينەسىن پاش ەتتى.
ەسكە سالايىق، مەرەكەلىك شاراعا دەيىن رەسپۋبليكالىق شتاب مۇشەلەرى وڭىردە بىرقاتار جۇمىس كەزدەسۋىن وتكىزدى. «ادىلەت» پارتياسىنان قۇرىلتاي دەپۋتاتتىعىنا كانديداتتار اتىراۋ مۇناي وڭدەۋ زاۋىتىندا، TEXOL ۆاگون جاساۋ زاۋىتىندا جانە «ەمبىمۇنايگاز» اق-دا بولىپ، ەڭبەك ۇجىمدارىنا پارتيانىڭ «ادىلەتتى بولاشاق ءۇشىن» سايلاۋالدى باعدارلاماسىن تانىستىردى. كەزدەسۋلەر بارىسىندا ءوندىرىستى دامىتۋ، جۇمىسشىلاردىڭ الەۋمەتتىك ماسەلەلەرى مەن سالانىڭ بولاشاعىنا قاتىستى ساۋالدارعا جاۋاپ بەرىلىپ، اشىق پىكىر الماسۋ ءوتتى.
سونداي-اق شتاب وكىلدەرى ستۋدەنتتەرمەن، جاستارمەن جانە ءوڭىر جۇرتشىلىعىمەن كەزدەسىپ، ونەركاسىپتى جاڭعىرتۋ، ينجەنەرلىك كادرلار دايارلاۋ، تسيفرلىق تەحنولوگيالاردى ەنگىزۋ جانە جاس مامانداردى قولداۋ باعىتىنداعى باستامالاردى تالقىلادى.
اتىراۋ وبلىسى – تۇركىستان مەن ماڭعىستاۋدان كەيىن «ادىلەت» پارتياسى رەسپۋبليكالىق سايلاۋالدى شتابى جۇمىس ساپارىمەن بارعان ءۇشىنشى ءوڭىر.
دايىنداعان:
«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
