اقش پرەزيدەنتى دونالد ترامپ كانادادان يمپورتتالاتىن بىرقاتار تاۋارعا قوسىمشا 50 پايىزدىق كەدەندىك باج سالىعىن ەنگىزۋ تۋرالى جارلىققا قول قويدى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
اق ءۇيدىڭ مالىمەتىنشە، جاڭا شارالار امەريكالىق وندىرۋشىلەر مەن بيزنەستىڭ مۇددەسىن قورعاۋعا باعىتتالعان. جارلىقتا كانادا اقش-پەن سالىستىرعاندا كەيبىر ەلدەرگە تيىمدىرەك ساۋدا شارتتارىن ۇسىنىپ، نەگىزسىز ءارى كەمسىتۋشىلىك سيپاتتاعى شەكتەۋلەر قولدانىپ وتىرعانى ايتىلعان. جاڭا باج سالىعى 19 تامىزدان باستاپ كۇشىنە ەنەدى.
ساراپشىلاردىڭ باعالاۋىنشا، بۇل شەشىم اقش پەن كانادا اراسىنداعى ساۋدا قاتىناستارىنداعى شيەلەنىستى كۇشەيتۋى مۇمكىن. جاڭا تاريفتەر شاراپ، حوككەي تاياقشالارى، تسەمەنت سياقتى بىرقاتار تاۋارلارعا قولدانىلادى. ال ەنەرگيا رەسۋرستارى، كالي تىڭايتقىشتارى، ستراتەگيالىق ماڭىزى بار مينەرالدار مەن بالىق ونىمدەرى جاڭا باج سالىعىنان بوساتىلعان.
سونىمەن قاتار اقش كانادادان يمپورتتالاتىن بولات، اليۋميني جانە مىسقا بۇرىننان قولدانىستاعى 15–50 پايىزدىق تاريفتەردى ساقتاپ قالدى. بۇدان بولەك، كانادالىق قىلقانجاپىراقتى اعاش ماتەريالدارىنا 35 پايىزدىق، ال اقش-تا وندىرىلمەگەن اۆتوكولىك بولشەكتەرىنە 25 پايىزدىق تاريف كۇشىندە قالادى.
ءوز كەزەگىندە كانادا دا اقش-تان اكەلىنەتىن بولاتقا، اليۋمينيگە جانە اۆتوكولىكتەرگە 25 پايىزدىق وتەماقى باج سالىعىن قولدانىپ كەلەدى.
