اقش قارۋلى كۇشتەرىنىڭ ورتالىق قولباسشىلىعى يران اۋماعىنا توعىزىنشى ءتۇن قاتارىنان اۋە سوققىلارى جاسالعانى تۋرالى اقپارات تاراتتى، دەپ حابارلايدى "ادىرنا" ءتىلشىسى.
ورتالىقتىڭ حابارلاۋىنشا، وپەراتسيا بارىسىندا كوماندالىق پۋنكتتەر، جاعالاۋداعى باقىلاۋ نىساندارى، اۋە قورعانىسى جۇيەلەرى، اسكەري-تەڭىز كۇشتەرىنىڭ ينفراقۇرىلىمى، زىمىراندار مەن ۇشقىشسىز ۇشۋ اپپاراتتارى ورنالاسقان نىساندارعا سوققى بەرىلگەن.
CENTCOM مالىمەتىنشە، جاڭا شابۋىلدار اقش-تىڭ شىعىس جاعالاۋى ۋاقىتىمەن ساعات 19:00-دە (استانا ۋاقىتىمەن شامامەن 04:00-دە) باستالعان. بۇل يرانعا قارسى جۇرگىزىلىپ جاتقان اسكەري وپەراتسيالاردىڭ توعىزىنشى ءتۇنى بولعان. اقش تاراپىنىڭ مالىمدەۋىنشە، اۋە سوققىلارىنىڭ ماقساتى – ورمۇز بۇعازىنداعى كوممەرتسيالىق كەمەلەرگە شابۋىل جاساۋ ءۇشىن پايدالانىلىپ وتىرعان يراننىڭ اسكەري الەۋەتىن السىرەتۋ.
ءوز كەزەگىندە يراننىڭ Press TV تەلەارناسى اقش اسكەري وپەراتسياسى بارىسىندا ەلدىڭ تەبريز قالاسىنا دا اۋە سوققىسى جاسالعانىن حابارلادى.
