جەتىسۋ وبلىسىنىڭ كوكتۇما اۋىلىنداعى الاكول جاعالاۋىندا بولعان قايعىلى وقيعا سالدارىنان ايەل اۋىر جاراقات الدى. الدىن الا مالىمەت بويىنشا، كەرى ءجۇرىپ كەلە جاتقان پاروم ايەلدى قاعىپ كەتكەن، دەپ حابارلايدى "ادىرنا".
جەتىسۋ وبلىستىق دەنساۋلىق ساقتاۋ باسقارماسىنىڭ مالىمەتىنشە، زارداپ شەككەن ايەل اۋرۋحاناعا اسا اۋىر جاعدايدا جەتكىزىلگەن. دارىگەرلەر ونىڭ دەنەسىنىڭ بىرنەشە جەرىنەن اۋىر جاراقات العانىن، كوپ قان جوعالتقانىن جانە جاراقاتتىق شوك جاعدايىندا بولعانىن انىقتاعان.
ناۋقاستىڭ ءومىرىن ساقتاپ قالۋ ءۇشىن دارىگەرلەر شۇعىل كونسيليۋم وتكىزىپ، جەدەل وپەراتسيا جاساۋ تۋرالى شەشىم قابىلداعان. وتا بارىسىندا ايەلدىڭ ەكى اياعى سان تۇسىنان امپۋتاتسيالانعان.
اتالعان وقيعاعا بايلانىستى جەتىسۋ وبلىسى پوليتسيا دەپارتامەنتى قىلمىستىق ءىس قوزعادى. قازىرگى ۋاقىتتا قۇقىق قورعاۋ ورگاندارى وقيعانىڭ بارلىق ءمان-جايىن انىقتاپ جاتىر.
پوليتسيا سۋ كولىگىن پايدالانۋ كەزىندە قاۋىپسىزدىك تالاپتارىن قاتاڭ ساقتاۋعا جانە جاعالاۋ اۋماعىندا ەرەكشە ساق بولۋعا شاقىردى.
