ۋكراينا پرەزيدەنتى ۆلاديمير زەلەنسكي رەسەي پرەزيدەنتى ۆلاديمير پۋتينمەن كەزدەسۋگە دايىن، دەپ حابارلايدى "ادىرنا" ۇلتتىق پورتالى ربك-عا سىلتەپ.
كەزدەسۋ تۇركيانىڭ انكارا قالاسىندا ءوتۋى مۇمكىن. بۇل تۋرالى ۋكراينا سىرتقى ىستەر ءمينيسترى اندرەي سيبيگا مالىمدەدى.
ونىڭ ايتۋىنشا، انكارا حالىقارالىق ديپلوماتياداعى ماڭىزدى الاڭداردىڭ ءبىرى سانالادى جانە بۇعان دەيىن كيەۆ پەن ماسكەۋ اراسىنداعى كەلىسسوزدەردە بىرنەشە رەت دەلدالدىق ءرول اتقارعان.
ء«بىز زەلەنسكي مەن ءپۋتيننىڭ كەزدەسۋىن وتكىزۋگە قولايلى نەگىزگى الاڭداردىڭ ءبىرى رەتىندە تۇركيانى قولدايمىز. تۇرىك تاراپىنىڭ وسىنداي جوعارى دەڭگەيدەگى كەزدەسۋدى ۇيىمداستىرۋعا دايىن ەكەنىنە ريزامىز»، – دەدى سيبيگا.
ءمينيستردىڭ پىكىرىنشە، ەكى ەل باسشىلارىنىڭ تىكەلەي كەزدەسۋى بەيبىت كەلىسسوزدەرگە سەرپىن بەرۋى مۇمكىن.
مينيستر سيبيگا ۋكراينادا سوعىستى اياقتاۋعا باعىتتالعان ناقتى ۇسىنىستار بار ەكەنىن ايتىپ، ەلدىڭ بەيبىتشىلىككە ۇمتىلاتىنىن جەتكىزدى. سونداي-اق كيەۆ اتىستى توقتاتۋعا دايىن ەكەنىن حابارلادى. ونىڭ سوزىنشە، ىقتيمال كەزدەسۋ ناتيجەسىندە بىتىمگە كەلۋ ماڭىزدى قادام بولۋى مۇمكىن.
