ۋكراينانىڭ جوعارعى راداسى ەلدىڭ پرەمەر-ءمينيسترى قىزمەتىنەن يۋليا سۆيريدەنكونىڭ وتستاۆكاعا كەتۋىن قولداپ داۋىس بەردى. بۇل ۋكراينا ۇكىمەتىنىڭ تولىق قۇرامىنىڭ دا ءبىر مەزەتتە وتستاۆكاعا كەتۋىن بىلدىرەدى، دەپ حابارلايدى «ادىرنا» ءتىلشىسى ۋنيانعا سىلتەمە جاساپ.
12 شىلدەدە ۋكراينا پرەزيدەنتى ۆلاديمير زەلەنسكي مينيسترلەر كابينەتىن جاڭارتۋ جوسپارلانىپ وتىرعانىن جانە پرەمەر-مينيستر يۋليا سۆيريدەنكوعا جاڭا قىزمەت ۇسىنىلاتىنىن مالىمدەگەن ەدى. ونىڭ ايتۋىنشا، ۋكراينا ساياسي ستراتەگياسىن وزگەرتۋدە.
«ۋكراينادا جاڭارتىلعان ساياسي ستراتەگيانى جۇزەگە اسىرۋدى قامتاماسىز ەتۋى ءتيىس كادرلىق وزگەرىستەر باستالادى. ءبىز بۇل ماسەلەنىڭ ەگجەي-تەگجەيىن ۋكراينا پرەمەر-ءمينيسترى يۋليا سۆيريدەنكومەن تالقىلادىق. وزگەرىستەر ءۇشىن مينيسترلەر كابينەتىن جاڭارتۋ قاجەت دەگەن قورىتىندىعا كەلدىك. مەن يۋلياعا پرەمەر-مينيستر قىزمەتىندەگى ناقتى، تۇراقتى ءارى ءتيىمدى جۇمىسى ءۇشىن، سونداي-اق ۋكراينا كومانداسىنداعى كوپجىلدىق ناتيجەلى ەڭبەگى ءۇشىن العىس ايتامىن. سونىمەن قاتار وعان ءبىزدىڭ نەگىزگى سەرىكتەستەرىمىزدىڭ بىرىمەن قارىم-قاتىناستاعى جاڭا ماڭىزدى باعىتتى باسقارۋدى ۇسىندىم»، – دەدى پرەزيدەنت.
13 شىلدەدە ۋكراينا جوعارعى راداسىنا يۋليا سۆيريدەنكونىڭ قىزمەتىنەن كەتۋ تۋرالى ءوتىنىشى ءتۇستى. ونىڭ وتستاۆكاسىن 450 دەپۋتاتتىڭ 258-ءى قولداپ داۋىس بەرگەن.
