اقش پرەزيدەنتى دونالد ترامپ ۆاشينگتون ورمۋز بۇعازى ارقىلى تاسىمالداناتىن بارلىق جۇكتەردىڭ قۇنىنىڭ 20%-ى كولەمىندە وتەماقى الاتىنىن مالىمدەدى. ول بۇل تۋرالى ءوزىنىڭ Truth Social الەۋمەتتىك جەلىسىندەگى پاراقشاسىندا جازعان، دەپ حابارلايدى “ادىرنا”.
«ورمۋز بۇعازى اشىق جانە يرانمەن نەمەسە يرانسىز دا اشىق كۇيىندە قالادى. ءبىز "يران بلوكاداسىن" قايتا ەنگىزىپ جاتىرمىز. ول وسىلاي اتالادى، سەبەبى بۇل شەكتەۋ تەك يران كەمەلەرىنە نەمەسە ونىڭ كليەنتتەرىنە قاتىستى بولادى. ولارعا بۇعازعا كىرۋگە دە، ودان شىعۋعا دا تىيىم سالىنادى. ال قالعان بارلىق ەلدەر بۇعاز ارقىلى ءادىل ءارى ەركىن وتە الادى»، – دەپ جازدى ترامپ.
ونىڭ ايتۋىنشا، بۇدان بىلاي اقش ءوزىن «ورمۋز بۇعازىنىڭ قورعاۋشىسى» دەپ اتايتىن بولادى. ال الىناتىن تولەمدەر الەمدەگى «ەڭ تۇراقسىز وڭىرلەردىڭ ءبىرىنىڭ» قاۋىپسىزدىگى مەن قورعانىسىن قامتاماسىز ەتۋگە جۇمسالاتىن شىعىنداردى وتەۋگە باعىتتالادى.
ء«تيىستى تەتىك پەن ونى ىسكە اسىرۋ ۇدەرىسى دەرەۋ باستالادى»، – دەپ قوستى اقش پرەزيدەنتى.
