AQŞ prezidentı Donald Tramp Vaşington Ormuz būǧazy arqyly tasymaldanatyn barlyq jükterdıŋ qūnynyŋ 20%-y kölemınde ötemaqy alatynyn mälımdedı. Ol būl turaly özınıŋ Truth Social äleumettık jelısındegı paraqşasynda jazǧan, dep habarlaidy “Adyrna”.
«Ormuz būǧazy aşyq jäne İranmen nemese İransyz da aşyq küiınde qalady. Bız "İran blokadasyn" qaita engızıp jatyrmyz. Ol osylai atalady, sebebı būl şekteu tek İran kemelerıne nemese onyŋ klientterıne qatysty bolady. Olarǧa būǧazǧa kıruge de, odan şyǧuǧa da tyiym salynady. Al qalǧan barlyq elder būǧaz arqyly ädıl ärı erkın öte alady», – dep jazdy Tramp.
Onyŋ aituynşa, būdan bylai AQŞ özın «Ormuz būǧazynyŋ qorǧauşysy» dep ataityn bolady. Al alynatyn tölemder älemdegı «eŋ tūraqsyz öŋırlerdıŋ bırınıŋ» qauıpsızdıgı men qorǧanysyn qamtamasyz etuge jūmsalatyn şyǧyndardy öteuge baǧyttalady.
«Tiıstı tetık pen ony ıske asyru üderısı dereu bastalady», – dep qosty AQŞ prezidentı.
