يران اقش-تىڭ يراكتاعى اسكەري بازاسىنا دروندارمەن سوققى جاسادى

3832
Adyrna.kz Telegram
يراننىڭ اۋە-قورعانىس كۇشتەرى سوڭعى ايلاردا بىرنەشە رەت اسكەري ۇشاقتاردىڭ كومەگىمەن يراكتاعى اقش-تىڭ بازالارىنا دروندارمەن سوققى بەردى. بۇل جايىندا New York Times ارناسى اقپارات تاراتتى.
News.day.az پورتالىنىڭ مالىمەتىنشە، يران تاراپىنان ۇشقان بومبالاۋشى دروندار اسكەري بازالاردىڭ ماڭىندا جارىلىپ، سىنىقتارى شاشىلىپ قالعان. اقش-تىڭ ماماندارىنىڭ زەرتتەۋ جۇمىستارىنىڭ ناتيجەسىندە ۇشىرىلعان درونداردىڭ بارلىعى يران تەحنولوگياسىمەن جاسالعان بولىپ شىقتى.
اتالعان اقپاراتتارعا قاراعاندا، يران تاراپىنان ۇشىرىلعان دروندار 14 ساۋىردە ەربيلدەگى اۋەجايعا، 8 مامىردا يراكتىڭ انبار پروۆينتسياسىنداعى اين ال-اساد اۋە بازاسىنا، سونداي-اق اقش-تىڭ ارنايى وپەراتسيالار جۇرگىزەتىن كۇشتەرى پايدالاناتىن ەربيلدىڭ سولتۇستىگىندەگى اۋە بازاسىنا كەلىپ تۇسكەن.
اتالعان وقيعالاردان كەيىن اقش باستاعان حالىقارالىق كواليتسيا يراك اسكەري كۇشتەرىنە بىرقاتار نىسانداردى، سونىڭ ىشىندە اۋە بازالارىن جانە كواليتسيا اسكەري كەڭەسشىلەرىنىڭ شتاب-پاتەرىن تاپسىردى، دەپ حابارلادى News.day.az پورتالى.
بەكبولات قارجان،
"ادىرنا" ۇلتتىق پورتالى
پىكىرلەر