رەسەيدىڭ قارجى مونيتورينگى تەرروريستىك جانە ەكسترەميستىك دەپ تانىلعان ۇيىمدار ءتىزىمىن كەڭەيتتى، دەپ حابارلايدى “ادىرنا” ۇلتتىق پورتالى.
جاڭارتىلعان تىزىمگە قۇقىق قورعاۋ جانە تاريحي-اعارتۋشىلىق باعىتتاعى بىرقاتار ۇيىمدار ەنگىزىلگەن.
اتاپ ايتقاندا، تىزىمگە قۇقىق قورعاۋ مەدياجوباسى وۆد-ينفو، مادەني كەڭىستىك رەۆولت-تسەنتر جانە مۋزەي پەرم-36 ەنگىزىلگەن. جالپى العاندا، شەشىم 30-دان استام قۇرىلىمدى قامتيدى.
سونداي-اق تىزىمگە مەموريال ۇيىمىمەن بايلانىستى شەتەلدەگى 13-تەن استام قۇرىلىم دا كىرگەن. ولار گەرمانيا، فرانتسيا، يتاليا، پولشا، شۆەيتساريا، چەحيا، ليتۆا، يزرايل، ۋكراينا جانە بەلارۋس سياقتى ەلدەردە تىركەلگەن.
بۇل شەشىم رەسەي جوعارى سوتى 2025 جىلدىڭ ساۋىرىندە «مەموريال» قوزعالىسىن ەكسترەميستىك ۇيىم دەپ تانىعاننان كەيىنگى قۇقىقتىق ساياساتتىڭ جالعاسى رەتىندە قاراستىرىلىپ وتىر. ۇيىم وكىلدەرى بۇعان دەيىن مۇنداي ء«بىرتۇتاس قۇرىلىمنىڭ» زاڭدى تۇردە جوق ەكەنىن ايتىپ، ونى تاۋەلسىز ۇيىمدار جەلىسى رەتىندە سيپاتتاعان.
جاڭا شەشىم قۇقىق قورعاۋ، تاريحي جادى جانە ازاماتتىق ەركىندىك ماسەلەلەرىمەن اينالىساتىن بىرقاتار باستامالارعا قاتىستى شەكتەۋلەردى كۇشەيتەدى.
