تەگەران مەن مەشحەد اراسىنداعى تەمىرجول قاتىناسى اقش-تىڭ تۇنگى سوققىسىنان كەيىن ۋاقىتشا توقتاتىلدى. 9 شىلدەدە ءدال وسى مەشحەد قالاسىندا يراننىڭ جوعارعى كوشباسشىسى اياتوللا ءالي حامەنەيدى جەرلەۋ ءراسىمى ءوتۋى ءتيىس. بۇل تۋرالى Tasnim جازدى، دەپ حابارلايدى «ادىرنا» ءتىلشىسى.
اگەنتتىكتىڭ مالىمەتىنشە، وقيعا ورنىنا جوندەۋ بريگادالارى جىبەرىلىپ، تەمىرجول جەلىسىن قالپىنا كەلتىرۋ جۇمىستارى باستالعان. سونداي-اق بيلىك جولاۋشىلاردى تاسىمالداۋدىڭ بالاما باعىتىن ازىرلەگەن. ول زاقىمدانعان ۋچاسكەنى اۆتوكولىك ارقىلى اينالىپ ءوتۋدى كوزدەيدى.
اقش پەن يزرايل يرانعا قارسى اسكەري وپەراتسيانى 28 اقپاندا باستاعان ەدى. ماۋسىم ايىندا ۆاشينگتون مەن تەگەران بارلىق باعىتتاعى، سونىڭ ىشىندە ليۆانداعى اسكەري قيمىلداردى دەرەۋ توقتاتۋدى قاراستىراتىن ءوزارا تۇسىنىستىك تۋرالى مەموراندۋمعا قول قويعان بولاتىن. الايدا 8 شىلدەدە يران مەن اقش قايتادان ءوزارا سوققىلار الماستى.
ءالي حامەنەيدى جەرلەۋ ءراسىمى 9 شىلدەدە يرانداعى تۋعان قالاسى مەشحەدتە وتەدى.
