AQŞ prezidentı Donald Tramp İranmen kelıssöz jürgızgısı kelmeitının aitty, dep habarlaidy «Adyrna» tılşısı.
«İranmen jasalatyn kelısımge kelsek, men üşın būl mäsele jabyldy. Olarmen endı eşqandai bailanysym bolǧanyn qalamaimyn», – dedı Aq üi basşysy 8 şılde künı Ankarada ötken NATO-ǧa müşe memleketter basşylarynyŋ 36-sammitınıŋ negızgı otyrysy aldynda.
Amerika köşbasşysy İranmen būdan bylai kelıssöz jürgızuge niettı emes ekenın de atap öttı.
«Menıŋşe, būl mäsele aiaqtaldy. Şynyn aitsam, olarmen mülde bailanys jasaǧym kelmeidı. Olar – aianyşty, tömen deŋgeidegı adamdar. Menıŋ ne aitqym kelgenın tüsınıp tūrsyz ǧoi? Būl – auru adamdar. Olardy qatygez, zorlyq-zombylyqqa beiım adamdar basqarady. Eger olardyŋ qolynda iadrolyq qaru bolsa, ony mındettı türde qoldanar edı. Sondyqtan, menıŋ oiymşa, būl mäsele tübegeilı jabyldy», – dedı Donald Tramp jurnalisterdıŋ sūraqtaryna jauap bere otyryp.
Sonymen qatar AQŞ prezidentı amerikalyq kelıssöz jürgızuşılermen kezdesetının aitty.
«Menıŋşe, olarmen jūmys ısteu – uaqytty bosqa joǧaltu. Olar ötırık aitady. Bız kelısım jasai alamyz, al eger kelısımge qol qoisaq, onda ol küşınde bolady», – dep qosty Aq üi basşysy.
