ۆەنەسۋەلادا 25 ماۋسىمعا قاراعان ءتۇنى بولعان جويقىن جەر سىلكىنىستەرىنەن قازا تاپقاندار سانى كەمىندە 3535 ادامعا جەتتى، دەپ حابارلايدى "ادىرنا" ءتىلشىسى.
بۇل تۋرالى ەل پارلامەنتىنىڭ سپيكەرى حورحە رودريگەس حابارلادى.
رەسمي مالىمەتكە سايكەس، تابيعي اپات سالدارىنان 16 740 ادام ءتۇرلى جاراقات العان. ىزدەستىرۋ-قۇتقارۋ جۇمىستارى جالعاسىپ جاتقاندىقتان، قۇرباندار سانى ءالى دە ارتۋى مۇمكىن.
ۆەنەسۋەلا بيلىگى ازىرگە حابار-وشارسىز كەتكەندەر سانى تۋرالى ناقتى اقپارات جاريالاماعان. الايدا بۇۇ-نىڭ باعالاۋىنشا، ءىز-ءتۇزسىز جوعالعانداردىڭ سانى 50 مىڭ ادامعا دەيىن جەتۋى ىقتيمال.
24 ماۋسىم كۇنى ۆەنەسۋەلانىڭ سولتۇستىگىندە، استانا كاراكاستان باتىسقا قاراي ورنالاسقان ايماقتا ماگنيتۋداسى 7,2 جانە 7,5 بولاتىن ەكى كۇشتى جەر سىلكىنىسى تىركەلدى. بۇل – ەلدە سوڭعى 125 جىلداعى ەڭ قۋاتتى سەيسميكالىق اپات سانالادى.
جەر سىلكىنىسىنەن كەيىن ونداعان افتەرشوك تىركەلىپ، كوپتەگەن تۇرعىن ءۇي قيرادى. تابيعي اپاتتان ەڭ كوپ زارداپ شەككەن ءوڭىر – حالىقارالىق اۋەجاي مەن ەلدىڭ ەڭ ءىرى تەڭىز پورتى ورنالاسقان لا-گۋايرا شتاتى.
وقيعاعا بايلانىستى ۆەنەسۋەلا بيلىگى ەلدە توتەنشە جاعداي جاريالاپ، جەتى كۇندىك ازا تۇتۋ ءراسىمىن ەنگىزدى.
