«استانا ەكسپو-2017» ۇلتتىق كومپانياسىنىڭ بۇرىنعى كەڭەسشىسى ايدوس ەسپولوۆ ۇستالدى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
دەرەككوزدىڭ ايتۋىنشا، ەسپولوۆ ەكى كۇن بۇرىن استانادا قارجى مونيتورينگى اگەنتتىگىنىڭ قىزمەتكەرلەرى جانە ۇقك-مەن بىرلەسكەن شارا بارىسىندا قولعا تۇسكەن.
ايدوس ەسپولوۆ – ەكس-پرەزيدەنت نۇرسۇلتان نازارباەۆتىڭ ءۇشىنشى جارى اسەل قۇرمانباەۆانىڭ اعاسى. ول «ەۋرازيالىق تەحنولوگيالىق ۋنيۆەرسيتەتى» مەن «Alatau Asset Management Company» كومپانياسىنىڭ قۇرىلتايشىلارىنىڭ ءبىرى رەتىندە تانىلعان.
ەسكە سالايىق، 2025 جىلدىڭ ءساۋىر ايىنىڭ سوڭىندا ءماجىلىس دەپۋتاتى ەرمۇرات ءباپي «استانا ەكسپو-2017» كومپانياسىنداعى قارجى جىمقىرۋ ىسىنە قاتىستى ماسەلە كوتەرگەن ەدى.
ول كەزدە كومپانيانىڭ بۇرىنعى باسقارما توراعاسىنىڭ ورىنباسارى مۇرات وماروۆ بەرگەن مالىمەتتەر جاريالانىپ، ەسپولوۆتىڭ كەڭەسشى قىزمەتىن اتقارعان كەزىندە پارا العانى ايتىلعان. الايدا ول ءىستىڭ رەسمي فيگۋرانتتارى قاتارىندا «انىقتالماعان تۇلعا» رەتىندە عانا كورسەتىلگەن.
