رەسەي پرەزيدەنتى ۆلاديمير پۋتين اق ءۇي باسشىسى دونالد ترامپمەن تەلەفون ارقىلى سويلەستى. بۇل تۋرالى رەسەي باسشىسىنىڭ كومەكشىسى يۋري ۋشاكوۆ ايتتى، دەپ حابارلايدى «ادىرنا» ءتىلشىسى.
رەسەي پرەزيدەنتى ترامپتى جانە بۇكىل امەريكا حالقىن اقش-تىڭ تاۋەلسىزدىك كۇنىمەن قۇتتىقتاعان. ەكى ەل كوشباسشىسىنىڭ اڭگىمەسى 1 ساعات 25 مينۋتقا سوزىلعان.
تاراپتار ۋكرايناداعى احۋالدى رەتتەۋ ماسەلەسىن دە ءسوز ەتكەن. اڭگىمە بارىسىندا ترامپتىڭ 7–8 شىلدە كۇندەرى تۇركيادا وتەتىن ناتو سامميتىنە قاتىسۋى دا ەسكەرىلگەن.
پۋتين ترامپقا مايدانداعى ناقتى جاعداي تۋرالى مالىمەت بەرىپ، رەسەي اسكەرىنىڭ بۇكىل ۇرىس شەبى بويىندا شابۋىل جۇرگىزىپ جاتقانىن ايتقان. سونداي-اق ول كونستانتينوۆكا ەلدى مەكەنىنىڭ باقىلاۋعا الىنۋىنا قاتىستى جاعدايدى ءسوز ەتكەن. ال ترامپ جانجالدى بەيبىت جولمەن رەتتەۋگە ىقپال ەتۋگە دايىن ەكەنىن راستاعان. ول ارنايى وكىلدەرى ستيۆ ۋيتكوفف پەن دجارەد كۋشنەردەلدالدىق جۇمىستاردى جالعاستىراتىنىن جانە قاجەت بولعان جاعدايدا ماسكەۋگە كەز كەلگەن ىڭعايلى ۋاقىتتا بارا الاتىنىن ايتقان.
بۇعان دەيىن ساياساتكەرلەر 14 ماۋسىمدا، ياعني اقش پرەزيدەنتىنىڭ تۋعان كۇنىندە سويلەسكەن بولاتىن.
