يزرايل يران ءوز اۋماعىنا زىمىرانمەن سوققى جاسايتىن بولسا، اسكەري ءىس-قيمىلداردى قايتا باستاۋعا دايىن، دەپ حابارلايدى "ادىرنا" ۇلتتىق پورتالى Report-قا سىلتەپ.
بۇل تۋرالى ءيزرايلدىڭ قورعانىس ءمينيسترى يسراەل كاتس مالىمدەدى.
ءمينيستردىڭ ايتۋىنشا، اسكەري وپەراتسيالاردىڭ قايتا جاندانۋى ەكى جاعدايدا مۇمكىن. ءبىرىنشىسى – اقش پرەزيدەنتى دونالد ترامپ تەگەرانمەن جۇرگىزىلىپ جاتقان كەلىسسوزدەردى ناتيجەسىز دەپ تانىعان جاعدايدا. ەكىنشىسى – يران يزرايل اۋماعىنا زىمىرانمەن شابۋىل جاساعان جاعدايدا.
«ەگەر يران يزرايلگە قاراي زىمىران ۇشىرسا، يزرايل كۇشپەن جاۋاپ بەرەدى. ءبىز يراننىڭ يزرايلگە وق اتۋىنا جول بەرمەيمىز. بۇل ۇستانىم اقش-قا دا جەتكىزىلدى. يزرايل قورعانىس ارمياسى تولىق جاۋىنگەرلىك دايىندىقتا، سوققى بەرۋگە ارنالعان نىساندار انىقتالعان»، – دەدى يسراەل كاتس.
يزرايل بيلىگى ەلدىڭ قاۋىپسىزدىگىن قامتاماسىز ەتۋ ماقساتىندا قارۋلى كۇشتەردىڭ تولىق دايىندىق رەجيمىندە تۇرعانىن حابارلادى.
