شىمكەنتتەگى يسفيدجاب تۇرعىن الابىنداعى جەكە قويمادا ءورت شىقتى، دەپ حابارلايدى "ادىرنا" ۇلتتىق پورتالى.
الدىن الا مالىمەت بويىنشا، جالىن قويما عيماراتتارىنىڭ شاتىرىن شارپىپ، اۋماقتاعى رەزەڭكە ماتەريالدار مەن جۇك كولىگىنەن توگىلگەن ديزەل وتىنىنا تاراعان. ءورت وشاعىنا جاقىن ماڭدا جانارماي تيەلگەن جۇك كولىگى تۇرعان.
وقيعا سالدارىنان ەكى ادام كۇيىك جاراقاتىن الىپ، مەديتسينالىق مەكەمەگە جەتكىزىلدى.
ءورتتى اۋىزدىقتاۋعا توتەنشە جاعدايلار قىزمەتىنىڭ ونداعان مامانى مەن ارنايى تەحنيكالارى تارتىلدى. سونداي-اق وقيعا ورنىندا اپاتتار مەديتسيناسى ورتالىعىنىڭ قىزمەتكەرلەرى كەزەكشىلىك ەتتى.
قازىر ماماندار ءورتتىڭ ناقتى شىعۋ سەبەبى مەن بارلىق ءمان-جايىن انىقتاپ جاتىر.
ۇقساس جاڭالىقتار
