مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
اڭگىمەلەسۋ بارىسىندا ەكى ەل باسشىسى قازاق-وزبەك ستراتەگيالىق سەرىكتەستىگى مەن وداقتاستىق قاتىناستارىنىڭ جوعارى قارقىنمەن دامىپ كەلە جاتقانىن اتاپ ءوتتى. سونداي-اق تاراپتار ءوزارا ىقپالداستىقتى ودان ءارى نىعايتۋ جانە بيىل ءساۋىر ايىندا بۇحارا قالاسىندا وتكەن جوعارى دەڭگەيدەگى كەزدەسۋدە قول جەتكىزىلگەن ۋاعدالاستىقتاردى ناقتى ىسكە اسىرۋ ماسەلەلەرىن تالقىلادى.
پرەزيدەنتتەر اكىمشىلىكتەرى، ۇكىمەتتەر جانە سالالىق ۆەدومستۆولار اراسىنداعى بايلانىستىڭ جاندانۋى ەكىجاقتى ىنتىماقتاستىقتى جۇيەلى تۇردە دامىتۋعا جانە بىرلەسكەن جوبالاردى ءتيىمدى ىلگەرىلەتۋگە ىقپال ەتەتىنىن ايتتى.
سونىمەن قاتار قاسىم-جومارت توقاەۆ پەن شاۆكات ميرزيوەۆ وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماسىپ، الداعى ۋاقىتتا وتكىزىلەتىن ورتاق ءىس-شارالاردىڭ كەستەسىن قاراستىردى.
كوشباسشىلار قازاقستان مەن وزبەكستان اراسىنداعى دوستىق، تاتۋ كورشىلىك جانە ءوزارا ءتيىمدى ارىپتەستىكتى ودان ءارى تەرەڭدەتۋگە نيەتتى ەكەنىن راستادى.
