اقش-تىڭ قازاقستانداعى ەلشىسى ۋيليام موزەر رەسەيگە قارسى سانكتسيالاردىڭ قازاقستانعا اسەرى تۋرالى ايتتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
"بۇل سانكتسيالار رەسەيدىڭ ارەكەتىن وزگەرتۋ ءۇشىن قابىلدانعانىن ايتقىم كەلەدى. اتاپ ايتساق: سايلاۋعا جانە مەملەكەتتىك اقپاراتقا ارالاسۋ سياقتى ارەكەرتتەر بولدى. بۇعان ءبىز ودان ءارى شىداي المايمىز.
بىراق قازاقستانعا كەلەتىن بولساق، سانكتسيالاردىڭ مىندەتتى سالدارىن بولدىرماۋى ءۇشىن جۇمىس ىستەدىك جانە ىستەي بەرەمىز دەگىم كەلەدى. ءبىز بۇل سانكتسيالاردىڭ قازاقستانعا اسەر ەتكەنىن قالامايمىز", - دەدى اقش ەلشىسى جۋرناليستەرمەن وتكەن دوڭگەلەك ۇستەل بارىسىندا.
15 ساۋىردە اقش رەسەيگە قارسى جاڭا سانكتسيالار ەنگىزگەن. ول 32 جەكە تۇلعا مەن بىرلەستىككە قاتىستى. 14 ماۋسىمنان باستاپ اقش قارجى ينستيتۋتتارىنا ورتالىق بانك پەن رەسەيدىڭ قارجى مينيسترلىگىنەن، سونداي-اق ۇلتتىق ءال-اۋقات قورىنان بورىشتىق باعالى قاعازداردى تىكەلەي ساتىپ الۋعا تىيىم سالىنادى. ۆاشينگتون بيلىگى رەسەيدىڭ 10 قىزمەتكەرى ەلدەن شىعارىلاتىنىن ايتقان بولاتىن.
"ادىرنا" ۇلتتىق پورتالى
