ۇلىتاۋ وبلىسى سوڭعى ءۇش اي قاتارىنان قۇرىلىس جۇمىستارى مەن نەگىزگى كاپيتالعا سالىنعان ينۆەستيتسيالار كورسەتكىشتەرىنىڭ ءوسۋ قارقىنى بويىنشا رەسپۋبليكانىڭ ۇزدىك وڭىرلەرى قاتارىنان كورىندى.
ال سوڭعى بەس ايدىڭ قورىتىندىسى بويىنشا ءوڭىر اتالعان ەكى نەگىزگى كورسەتكىش بويىنشا رەسپۋبليكادا ءبىرىنشى ورىنعا شىقتى.
ستاتيستيكالىق مالىمەتتەرگە سايكەس، وبلىستا ورىندالعان قۇرىلىس جۇمىستارىنىڭ كولەمى 87,5 ملرد تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 3,2 ەسەگە ارتقان. سونىمەن قاتار نەگىزگى كاپيتالعا سالىنعان ينۆەستيتسيالار كولەمى 125,4 ملرد تەڭگەگە جەتىپ، 2,5 ەسەگە ءوستى.
قول جەتكىزىلگەن ناتيجەلەر ءوڭىر ەكونوميكاسىنىڭ تۇراقتى دامۋ قارقىنىن، ينۆەستيتسيالىق احۋالدىڭ جاقسارىپ كەلە جاتقانىن جانە جۇزەگە اسىرىلىپ جاتقان جوبالاردىڭ تيىمدىلىگىن كورسەتەدى.
بۇگىندە ۇلىتاۋ وبلىسىندا ونەركاسىپ، تۇرعىن ءۇي قۇرىلىسى، ينفراقۇرىلىم جانە الەۋمەتتىك نىساندار سالۋ باعىتىندا اۋقىمدى جوبالار جۇزەگە اسىرىلۋدا. بۇل جۇمىستار ءوڭىردىڭ الەۋمەتتىك-ەكونوميكالىق الەۋەتىن ارتتىرىپ قانا قويماي، جاڭا جۇمىس ورىندارىن اشۋعا جانە تۇرعىنداردىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى.
