بولات جۇمابەكوۆ ۇلىتاۋ وبلىسى اكىمىنىڭ ورىنباسارى قىزمەتىنە تاعايىندالدى
ول 1972 جىلى تۋعان. اقمولا اۋىلشارۋاشىلىعى ينستيتۋتىنىڭ، ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ تۇلەگى. قر پرەزيدەنتى جانىنداعى مەملەكەتتىك باسقارۋ اكادەمياسىندا ماگيستر دارەجەسىن العان.
ەڭبەك جولىن 1997 جىلى سقو تيميريازەۆ اۋدانى اكىمى اپپاراتىنىڭ باس مامانى بولىپ باستاعان.
1999 – 2005 جىلدارى سولتۇستىك قازاقستان وبلىستىق جەر رەسۋرستارىن باسقارۋ كوميتەتى فيليالىندا ءار ءتۇرلى قىزمەتتەر اتقارعان.
2005 – 2009 جىلدارى سولتۇستىك قازاقستان وبلىسى تيميريازەۆ اۋدانىنىڭ اۋىل شارۋاشىلىعى جانە جەر قاتىناستارى ءبولىمىنىڭ باستىعى، كەيىن اۋدان اكىمى بولعان.
2009 – 2012 جىلدارى سولتۇستىك قازاقستان وبلىسى اكىمى اپپاراتىنىڭ باسشىسى، كەيىن وبلىس اكىمىنىڭ ورىنباسارى;
2012 – 2022 جىلدارى سقو پەتروپاۆل قالاسى، قىزىلجار، عابيت مۇسىرەپوۆ اۋداندارىنىڭ اكىمى بولعان.
2022 – 2024 جىلدارى كوممەرتسيالىق ۇيىمداردا جۇمىس ىستەگەن.
2024 جىلدان باستاپ قازىرگى ۋاقىتقا دەيىن اۋىل شارۋاشىلىعى مينيسترلىگىنىڭ «قازاگرەكس»اكتسيونەرلىك قوعامىنىڭ باسقارما توراعاسى قىزمەتىن اتقاردى.
بولات سەرىكۇلى اۋىل شارۋاشىلىعى جانە جەر قاتىناستارى، تابيعي رەسۋرستارى جانە تابيعاتتى پايدالانۋدى رەتتەۋ، ۆەتەريناريا باسقارمالارىنا جەتەكشىلىك ەتەدى.
