ءۇندىستاننىڭ دەلي قالاسىندا ءوتىپ جاتقان 2026 جىلعى ازيا چەمپيوناتىندا قازاقستان قۇراماسى ەكىنشى جۇلدەسىنە قول جەتكىزدى. بۇل تۋرالى 21 ماۋسىمدا ۇلتتىق وليمپيادالىق كوميتەت جازدى، دەپ حابارلايدى «ادىرنا» ءتىلشىسى.
جۇلدە يەگەرى يرينا باكالدينا بولدى. قازاقستاندىق سپورتشى ايەلدەر اراسىنداعى شپاگا سايىسىندا چەمپيون اتاندى.
باكالدينا فينالعا دەيىن جەتىپ، شەشۋشى كەزدەسۋدە گونكونگ وكىلى سە كەيلين سين يانمەن كەزدەستى. تارتىستى وتكەن باسەكە قازاقستاندىق سەمسەرلەسۋشىنىڭ 15:12 ەسەبىمەن جەڭىسىمەن اياقتالدى.
ايتا كەتەيىك، جارتىلاي فينالدا يرينا باكالدينا كوماندالىق سايىستاعى وليمپيادا ويىندارىنىڭ جۇلدەگەرى، ەكى دۇركىن الەم چەمپيونى سون سە رانى (وڭتۇستىك كورەيا) جەڭگەن بولاتىن.
بۇعان دەيىن وسى قارۋ تۇرىنەن ەرلەر اراسىندا رۋسلان كۋربانوۆ قولا جۇلدەگە يە بولعان ەدى.
