فرانتسيا پرەزيدەنتى ەممانيۋەل ماكرون اقش پرەزيدەنتى دونالد ترامپ پەن يتاليا پرەمەر-ءمينيسترى دجوردجا مەلوني اراسىنداعى جاڭا شيەلەنىسكە تاڭ قالعانىن مالىمدەدى، دەپ حابارلايدى "ادىرنا" ۇلتتىق پورتالى.
يتاليانىڭ ANSA اگەنتتىگىنىڭ سۇراعىنا جاۋاپ بەرگەن ماكرون:
«مەن تاڭعالدىم»، – دەپ قىسقا پىكىر ءبىلدىردى.
سونىمەن قاتار ول 25 ماۋسىمدا انتيب قالاسىندا وتەتىن ۇكىمەتارالىق سامميت اياسىندا مەلونيمەن كەزدەسىپ، اتالعان جاعدايدى تالقىلايتىنىن ايتتى.
بۇعان دەيىن ترامپ La7 تەلەارناسىنا بەرگەن قىسقاشا سۇحباتىندا مەلوني G7 ءسامميتى كەزىندە ونىمەن بىرگە سۋرەتكە تۇسۋگە «وتىنگەنىن» مالىمدەگەن بولاتىن. ءوز كەزەگىندە مەلوني بۇل مالىمدەمەنى جوققا شىعارىپ، ترامپتى شىندىققا جاناسپايتىن اقپارات تاراتتى دەپ ايىپتادى. يتاليا پرەمەرى مۇنداي ارەكەتكە كوڭىلى قالعانىن جەتكىزدى.
سونداي-اق يتاليانىڭ سىرتقى ىستەر ءمينيسترى انتونيو تاياني 21–22 ماۋسىمعا جوسپارلانعان اقش-قا ساپاردىڭ كۇشى جويىلعانىن حابارلادى.
