اقش پرەزيدەنتى دونالد ترامپ اق ۇيدەگى سوپاق كابينەتتى تاريحي ەسكەرتكىش مارتەبەسىنە تەڭەستىرۋ تۋرالى جارلىققا قول قويدى. بۇل تۋرالى تاسس اگەنتتىگى جازدى، دەپ حابارلايدى “ادىرنا”.
قابىلدانعان شەشىمگە سايكەس، بۇدان بىلاي بولاشاق مەملەكەت باسشىلارى سوپاق كابينەتتىڭ ينتەرەرىنە ەلەۋلى وزگەرىستەر ەنگىزۋ ءۇشىن اقش كونگرەسىنىڭ كەلىسىمىن الۋى ءتيىس.
ترامپتىڭ ايتۋىنشا، سوپاق كابينەت پەن اق ۇيدەگى پرەزيدەنتتىڭ رەسمي كەزدەسۋلەر وتكىزەتىن بولمەلەرى تاريحي ماڭىزى بار نىساندار سانالادى. سوندىقتان ولاردى باستاپقى قالپىندا ساقتاۋ قاجەت.
«بۇل – ەرەكشە ماڭىزعا يە بولمەلەر. ولار عاسىرلار بويى تاريحي ەسكەرتكىش رەتىندە ساقتالۋى كەرەك. ءتيىستى قۇجاتتار زاڭدى كۇشىنە ەنگەننەن كەيىن، ەشكىم بۇل بولمەلەردى بۇزا المايدى»، - دەدى اقش پرەزيدەنتى جۋرناليستەرگە.
سونداي-اق ترامپ ءوزى قابىلداعان شەشىمدەردىڭ دە كونگرەسس تاراپىنان ماقۇلدانۋى قاجەت ەكەنىن اتاپ ءوتتى. ونىڭ سوزىنشە، بۇدان بىلاي كونگرەسستىڭ رۇقساتىنسىز كابينەتتەرگە ەلەۋلى وزگەرىستەر ەنگىزۋگە جول بەرىلمەيدى.
ايتا كەتەيىك، دونالد ترامپتىڭ پرەزيدەنتتىگى كەزىندە سوپاق كابينەتتىڭ ينتەرەرى ايتارلىقتاي وزگەرىسكە ۇشىرادى. اتاپ ايتقاندا، بولمەنىڭ بەزەندىرىلۋىندە التىن ءتۇستى ساندىك ەلەمەنتتەر كوبەيتىلدى.
