جاندوس ءسالىموۆ قازاقستان رەسپۋبليكاسى سۋ رەسۋرستارى جانە يرريگاتسيا ۆيتسە-ءمينيسترى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
بۇل اقپاراتتى ۇكىمەتتىڭ ءباسپاسوز قىزمەتى راستادى. جاندوس ءسالىموۆ ەڭبەك جولىندا مەملەكەتتىك باسقارۋ سالاسىندا ءتۇرلى جاۋاپتى قىزمەتتەردى اتقارعان. ول ماڭعىستاۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىن باسقارعان، تابيعي مونوپوليالاردى رەتتەۋ كوميتەتىنىڭ وڭىرلىك دەپارتامەنتىنە جەتەكشىلىك ەتكەن.
جاڭا قىزمەتكە تاعايىندالعانعا دەيىن تابيعي مونوپوليالاردى رەتتەۋ كوميتەتىنىڭ ەلوردالىق دەپارتامەنتىنىڭ باسشىسى بولىپ جۇمىس ىستەدى.
ال بۇعان دەيىن، باق بەتتەرىندە ونىڭ كوروناۆيرۋس پاندەمياسى كەزەڭىندە كارانتين تالاپتارىن بۇزعانى ءۇشىن اكىمشىلىك جاۋاپكەرشىلىككە تارتىلىپ، 83 مىڭ تەڭگە كولەمىندە ايىپپۇل ارقالاعانى تۋرالى اقپارات تاراعان.
