جاقىندا قۇرىلعان «ادىلەت» ساياسي پارتياسى قازىرگى قازاقستان پارلامەنتىندە باسىمدىققا يە بولعان AMANAT (بۇرىنعى Nur Otan) پارتياسىنىڭ مۇشەلەرىن ءوز قاتارىنا قابىلداۋعا كەلىستى. بۇل تۋرالى «زا نامي ۋجە ۆىەحالي» جازدى، دەپ حابارلايدى “ادىرنا”.
«بۇگىن AMANAT پارتياسىنىڭ سەزىنەن ءبىر كۇن وتكەن سوڭ، جاڭادان قۇرىلعان «ادىلەت» پارتياسىمەن بىرىگۋ نيەتى جاريالانعان ەدى، ءدال وسىنداي جيىن جاڭا پارتيادا دا ءوتتى. وندا دەلەگاتتار وسى شەشىمدى قولداپ داۋىس بەردى»، – دەلىنگەن جەكسەنبى كۇنگى حابارلامادا.
«ادىلەت» پارتياسىنىڭ توراعاسى ايبەك دادەباي بۇل جەردە ءسوز AMANAT پارتياسىنىڭ ءدال وسى پارتياعا قوسىلۋى تۋرالى بولىپ وتىرعانىن ايتتى.
«AMANAT پارتياسىنىڭ «ادىلەت» پارتياسىنا قوسىلۋى – ۇلتتىق جاۋاپكەرشىلىككە نەگىزدەلگەن، تار پارتيالىق مۇددەلەردەن جوعارى تۇراتىن سالماقتى شەشىم»، – دەدى دادەباي.
حابارلامادا ايتىلعانداي، جاڭا ساياسي بىرلەستىكتىڭ توراعاسى رەتىندە ءدال ءوزى قالۋى ىقتيمال.
«الايدا ەندى ءىس جۇزىندە پارتيا باسشىلىعى ءۇشىن باسەكەدەن جانە جەتەكشىلىك ورىننان ءوزى باس تارتقان ەرلان قوشانوۆ قايدا باراتىنى قىزىق. بولاشاق قۇرىلتاي توراعاسىنىڭ ورنى ازىرگە بەلگىسىز»، – دەلىنگەن حابارلامادا.
AMANAT پارتياسى سەزىنىڭ دەلەگاتتارى «ادىلەت» پارتياسىمەن بىرىگۋ تۋرالى شەشىمدى قولداپ داۋىس بەرگەنى جونىندە 12 ماۋسىمدا حابارلانعان بولاتىن.
«ادىلەت» پارتياسى 2026 جىلدىڭ ءساۋىر ايىندا قۇرىلىپ، نەبارى ءبىر جارىم ايدان كەيىن، 1 ماۋسىمدا قازاقستان رەسپۋبليكاسى ادىلەت مينيسترلىگى تاراپىنان رەسمي تىركەلدى. پارتيانى 7 مامىردان باستاپ ايبەك دادەباي باسقارۋدا. ول بۇعان دەيىن، 5 مامىرعا دەيىن، قازاقستان رەسپۋبليكاسى پرەزيدەنتىنىڭ اكىمشىلىگى باسشىسى قىزمەتىن اتقارعان.
4 ماۋسىمدا جاڭادان تىركەلگەن «ادىلەت» پارتياسىنىڭ پلاتفورماسى مەملەكەتتىك قىزمەتتەر پورتالى – eGov.kz جۇيەسىندە پارتيا قاتارىنا كىرۋگە ارنالعان جەكە قىزمەت رەتىندە پايدا بولعانى بەلگىلى بولدى.
