الەمنىڭ بىرقاتار ەلدەرىندە Facebook, Instagram جانە WhatsApp پلاتفورمالارىنىڭ جۇمىسىنا قاتىستى اقاۋلار تىركەلدى، دەپ حابارلايدى "ادىرنا" ۇلتتىق پورتالى.
Downdetector سەرۆيسىنىڭ دەرەكتەرىنە سۇيەنگەن اقپاراتتار جاريالاندى. جەلىدە اقاۋ تىركەلگەن ەلدەر قاتارىندا قازاقستان دا بار.
پايدالانۋشىلار الەۋمەتتىك جەلىلەردىڭ ۆەب-نۇسقاسىنا كىرە الماۋ، اككاۋنتتاردان اۆتوماتتى تۇردە شىعىپ كەتۋ، جاڭالىقتار تاسپاسىنىڭ جاڭارتىلماۋى جانە جازبا جاريالاۋ كەزىندە تەحنيكالىق قيىندىقتاردىڭ تۋىنداعانىن حابارلاعان.
Meta كومپانياسىنىڭ وكىلى ەندي ستوۋن X الەۋمەتتىك جەلىسىندەگى مالىمدەمەسىندە كومپانيا اقاۋلار تۋرالى حاباردار ەكەنىن جانە ولاردى جويۋ باعىتىندا جۇمىستار جۇرگىزىلىپ جاتقانىن ايتتى.
ء«بىز جۇيەلەردىڭ جۇمىسىن قالپىنا كەلتىرۋ جۇمىستارىن جالعاستىرىپ جاتىرمىز. دەگەنمەن بارلىق سەرۆيستىڭ تولىق قالىپتى رەجيمگە ورالۋىنا ءبىراز ۋاقىت قاجەت بولۋى مۇمكىن»، – دەدى كومپانيا وكىلى.
