شىمكەنتتە حيبجاب كيگەن قىزدان سينتەتيكالىق ەسىرتكى تاركىلەندى. پوليتسيانىڭ مالىمەتىنشە، تەكسەرۋ كەزىندە كۇدىكتىنىڭ سومكەسىنەن جالپى سالماعى 2 كەلىگە جۋىق مەفەدرون سالىنعان ءتورت پاكەت تابىلعان، دەپ حابارلايدى “ادىرنا”.
سونىمەن قاتار، جالدامالى پاتەرىن ءتىنتۋ بارىسىندا ارقايسىسى شامامەن 5 گراممنان دايىندالعان 32 وراما ەسىرتكى زاتى، سونداي-اق ەسىرتكىنى ءبولىپ ولشەۋگە ارنالعان ەلەكتروندى تارازى مەن زيپ-پاكەتتەر انىقتالعان.
قۇقىق قورعاۋ ورگاندارىنىڭ حابارلاۋىنشا، اتالعان فاكتى بويىنشا قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى. ول قالا اۋماعىندا سينتەتيكالىق ەسىرتكى تاراتۋمەن اينالىستى دەگەن كۇدىككە ءىلىنىپ وتىر.
ۇقساس جاڭالىقتار
