گارري كاسپاروۆقا حالىقارالىق ىزدەۋ جاريالاندى، دەپ حابارلايدى "ادىرنا" ۇلتتىق پورتالى.
رەسەيلىك باق-تا شاحماتشى گارري كاسپاروۆقا قاتىستى حالىقارالىق ىزدەۋ جاريالانعانى تۋرالى اقپارات تارادى. مالىمەتكە سايكەس، وعان «تەرروريزمدى اقتادى» جانە «شەتەل اگەنتى قىزمەتىنىڭ ءتارتىبىن بۇزدى» دەگەن ايىپ تاعىلعان.
گارري كاسپاروۆ — الەمگە تانىمال شاحماتشى، قوعام قايراتكەرى. ول رەسەيدىڭ ۋكرايناعا قارسى سوعىسىنا اشىق تۇردە قارسى شىعىپ، ۋكراينانى قولدايتىنىن بىرنەشە رەت مالىمدەگەن. سونداي-اق ول «رەسەيدىڭ سوعىسقا قارسى كوميتەتى» ۇيىمىنىڭ نەگىزىن قالاۋشىلاردىڭ ءبىرى سانالادى.
رەسەيدە گارري كاسپاروۆ «ينواگەنت» رەتىندە تىركەلىپ، رەسەيدىڭ تەرروريستەر مەن ەكسترەميستەر تىزىمىنە ەنگىزىلگەن. ال «رەسەيدىڭ سوعىسقا قارسى كوميتەتى» ۇيىمى رف اۋماعىندا «قالاۋسىز ۇيىم» دەپ تانىلعان.
