ششۋچينسك قالاسىندا ورنالاسقان قوناقۇيلەردىڭ ءبىرىنىڭ ءبىرىنشى قاباتىنداعى ساۋنادا ءورت شىقتى، دەپ حابارلايدى "ادىرنا" ۇلتتىق پورتالى.
قازاقستان توتەنشە جاعدايلار مينيسترلىگى مالىمەتىنشە، ءورت بەس قاباتتى قوناقۇي عيماراتىنىڭ ءبىرىنشى قاباتىندا بولعان.
«وقيعا ورنىنا تجم كۇشتەرى جەدەل جەتتى. ءورت 50 شارشى مەتر اۋماقتا قىسقا مەرزىمدە ءسوندىرىلىپ، جالىننىڭ ودان ءارى تارالۋىنا جول بەرىلگەن جوق. ءورت سوندىرۋشىلەر كەلگەنگە دەيىن عيماراتتىڭ جوعارعى قاباتتارىنان 24 ادام، ونىڭ ىشىندە ەكى بالا وزدىگىنەن ەۆاكۋاتسيالاندى»، – دەلىنگەن حابارلامادا.
ۆەدومستۆونىڭ مالىمەتىنشە، وقيعا سالدارىنان زارداپ شەككەندەر مەن قازا تاپقاندار جوق. قازىر ءورتتىڭ شىعۋ سەبەپتەرى انىقتالىپ جاتىر.
ۇقساس جاڭالىقتار
