الماتى وبلىسىندا جول اپاتىنان بەس ادام كوز جۇمدى، دەپ جازادى "ادىرنا" ۇلتتىق پورتالى.
"6 تامىز ساعات 20.40 شاماسىندا Audi اۆتوكولىگىنىڭ 22 جاستاعى جۇرگىزۋشىسى "الماتى-كوكپەك-كوكتال" اۆتوجولىمەن شىعىس باعىتقا قاراي 181 كم ءجۇرىپ ءوتىپ، ءرۋلدى باسقارا الماي، قارسى قوزعالىس جولاعىنا شىعىپ، Renault كولىگىمەن سوقتىعىسقان. جول-كولىك وقيعاسى سالدارىنان بەس ادام كوز جۇمدى. كامەلەتكە تولماعان ءۇش بالا ءتۇرلى جاراقاتتارمەن شەلەك اۋىلىنداعى اۋرۋحاناعا جاتقىزىلدى", - دەلىنگەن حابارلامادا.
وبلىستىق پوليتسيا ءباسپاسوز قىزمەتىنىڭ حابارلاۋىنشا، وسى دەرەك بويىنشا ەڭبەكشىقازاق اۋداندىق پوليتسيا ءبولىمى قر قىلمىستىق كودەكسىنىڭ 345-بابىنىڭ 4-بولىگى بويىنشا قىلمىستىق ءىس قوزعادى. قاجەتتى ساراپتامالار تاعايىندالدى.
"ادىرنا" ۇلتتىق پورتالى
