2026 جىلعى 22 مامىردا الماتى قالاسىندا ءبىرىنشى باكۋ تۇركولوگيا قۇرىلتايىنىڭ 100 جىلدىعىنا ارنالعان حالىقارالىق عىلىمي-مادەني ءىس-شارالار وتەدى. ۇيىمداستىرۋشى – تۇركى مادەنيەتى جانە مۇراسى قورى.
تۇركى مادەنيەتى جانە مۇراسى قورى – سوڭعى جىلدارى تۇركى حالىقتارىنىڭ ورتاق تاريحي مۇراسىن حالىقارالىق دەڭگەيدە جۇيەلى تۇردە ناسيحاتتاپ، تۇركى ينتەگراتسياسىن مادەني باعىتتا كۇشەيتۋگە ۇلكەن ۇلەس قوسىپ جۇرگەن جەتەكشى ۇيىمداردىڭ ءبىرى.
باكۋ تۇركولوگيا قۇرىلتايىنىڭ 100 جىلدىعى اياسىندا قر ۇلتتىق ورتالىق مۋزەيىندە «1926/2026: ءبىرىنشى باكۋ تۇركولوگيا قۇرىلتايىنىڭ 100 جىلدىعى» اتتى حالىقارالىق كورمە وتەدى. ەكسپوزيتسيادا بۇرىن كوپشىلىككە ۇسىنىلماعان سيرەك ارحيۆ قۇجاتتارى، فوتوسۋرەتتەر مەن تاريحي ماتەريالدار تانىستىرىلادى.
سونداي-اق قر ۇلتتىق كىتاپحاناسىندا ازەربايجاندىق عالىمداردىڭ ء«بىرىنشى تۇركولوگيالىق قۇرىلتاي» اتتى عىلىمي ەڭبەگى مەن تاريحي بەينەدەرەكتەر شەجىرەسىنىڭ تۇساۋكەسەرى وتەدى.
تۇركى مادەنيەتى جانە مۇراسى قورى ۇيىمداستىرىپ وتىرعان ءىس-شارانىڭ باستى ماقساتى – تۇركى حالىقتارىنىڭ ورتاق تاريحي جادىن جاڭعىرتۋ، ءوزارا عىلىمي بايلانىستى نىعايتۋ جانە حح عاسىر باسىنداعى تۇركولوگيا مۇراسىن جاڭا بۋىنعا تانىستىرۋ.
تۇركى حالىقتارىنىڭ عىلىمي جادىنا ارنالعان تاريحي داتا – «1926 جىلعى باكۋ تۇركولوگيا قۇرىلتايى» تۇركى الەمىنىڭ عىلىمى، ءالىپبيى، ءتىلى مەن مادەنيەتىن دامىتۋداعى ەڭ ءىرى تاريحي وقيعالاردىڭ ءبىرى بولدى. قۇرىلتاي جۇمىسىنا احمەت بايتۇرسىنوۆ، ءنازىر تورەقۇلوۆ، ەلدەس وماروۆ سەكىلدى قازاق زيالىلارى قاتىسىپ، قازاق ءتىل ءبىلىمىنىڭ دامۋىنا نەگىز قالاعان.
100 جىلدان كەيىنگى كەزدەسۋدە ازەربايجان، قازاقستان، قىرعىزستان، تۇركيا، وزبەكستان، تۇرىكمەنستان، اقش، وڭتۇستىك كورەيا جانە سولتۇستىك كيپردەن كەلگەن بەلگىلى عالىمدار بايانداما جاساپ، تۇركى مەملەكەتتەرى ۇيىمى، TÜRKSOY, حالىقارالىق تۇركى اكادەمياسى، تۇرىك ءتىلى قوعامداستىعى سىندى حالىقارالىق ۇيىمداردىڭ جەتەكشىلەرى قاتىسادى.
ءىس-شارالار قر ۇلتتىق ورتالىق مۋزەيى جانە قر ۇلتتىق كىتاپحاناسىندا وتەدى.
وتەتىن كۇنى: 22 مامىر 2026 جىل.
بايلانىس اقپاراتى:
+7 705 802 20 58 سەرىك نۇرمولدا، تۇركى مادەنيەتى جانە مۇراسى قورى وكىلى
+7 700 573 30 11 قۇرالاي مۇرتاقىزى، PR-مەنەدجەر
