15 مامىر كۇنى قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ «حالىقارالىق قاتىناستار» عىلىمي-زەرتتەۋ ورتالىعى «ورتالىق ازيا گەوساياسات نىسانىنان بەلسەندى ايماقتىق اكتورعا اينالا الا ما؟» تاقىرىبىندا حالىقارالىق دوڭگەلەك ۇستەل وتكىزدى.
ءىس-شارا بارىسىندا قاتىسۋشىلار ورتالىق ازياداعى زاماناۋي گەوساياسي ۇدەرىستەردى، ايماقتىق ىنتىماقتاستىقتىڭ كەلەشەگىن، ستراتەگيالىق اۆتونوميا، قاۋىپسىزدىك جانە جاھاندىق وزگەرىستەر جاعدايىنداعى حالىقارالىق ءوزارا ءىس-قيمىل ماسەلەلەرىن تالقىلادى.
حالىقارالىق دوڭگەلەك ۇستەلگە اقش، ءۇندىستان، سلوۆەنيا، قىتاي جانە باسقا ەلدەردەن كەلگەن شەتەلدىك ساراپشىلار مەن عالىمدار قاتىستى. سپيكەرلەر قاتارىندا:
– سۋدحانشۋ س. ناياك، Podar حالىقارالىق مەكتەبىنىڭ ديرەكتورى (پۋنا، ءۇندىستان);
– حەمساگار باريك، دجاۆاحارلال نەرۋ ۋنيۆەرسيتەتى (نيۋ-دەلي، ءۇندىستان);
– كلاۋس لاررەس، سولتۇستىك كارولينا ۋنيۆەرسيتەتىنىڭ قۇرمەتتى پروفەسسورى (اقش);
– الەنكا انتلوگا، سلوۆەنيا رەسپۋبليكاسىنىڭ اقپارات جونىندەگى كوميسسارى;
– رادج كۋمار شارما، SHT ۋنيۆەرسيتەتىنىڭ گۋمانيتارلىق، الەۋمەتتىك جانە ليبەرالدىق عىلىمدار مەكتەبىنىڭ قاۋىمداستىرىلعان پروفەسسورى (گۋرۋگرام، ءۇندىستان).
ساراپشىلار ورتالىق ازيانىڭ حالىقارالىق قاتىناستارداعى ءرولىنىڭ ارتىپ كەلە جاتقانىن اتاپ ءوتىپ، ءوڭىردىڭ الەمدىك ارەناداعى تۇراقتى ءارى دەربەس ۇستانىمىن قالىپتاستىرۋ ءۇشىن وڭىرلىك ىنتىماقتاستىقتى نىعايتۋدىڭ ماڭىزدىلىعىن ايتتى.
دوڭگەلەك ۇستەل حالىقارالىق ساراپشىلار، زەرتتەۋشىلەر مەن اكادەميالىق قاۋىمداستىق وكىلدەرى اراسىندا پىكىر الماسۋعا ارنالعان ماڭىزدى الاڭعا اينالدى.
