قىزىلورداداعى جاتاقحانالاردىڭ بىرىندە 16 جاستاعى ستۋدەنتتىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى.
قايعىلى وقيعاعا بايلانىستى مارقۇمنىڭ وتباسى ونى سوققىعا جىعۋ دەرەگى بولۋى مۇمكىن ەكەنىن ايتىپ وتىر،.
تۋىستارىنىڭ مالىمەتىنشە، نۇرداۋلەت مىرزالىعا جوعارى كۋرس ستۋدەنتتەرى تاراپىنان كۇش قولدانىلعان بولۋى ىقتيمال. وتباسى وكىلدەرى جاتاقحانادا كىشى كۋرس ستۋدەنتتەرىنە قىسىم جاسالىپ كەلگەنىن دە العا تارتتى.
قىزىلوردا وبلىستىق پوليتسيا دەپارتامەنتى مالىمەتىنشە، كۇدىكتى وقيعا ورنىندا ۇستالىپ، ۋاقىتشا ۇستاۋ يزولياتورىنا قاماۋعا الىنعان. قىلمىستىق ءىس «قاساقانا اۋىر دەنە جاراقاتىن كەلتىرىپ، ولىمگە اكەپ سوققان» بابى بويىنشا تەرگەلىپ جاتىر.
تەرگەۋ بارىسىندا وقيعانىڭ بارلىق ءمان-جايى انىقتالاتىنى، ءىس ەرەكشە باقىلاۋدا ەكەنى حابارلاندى.
ۇقساس جاڭالىقتار
