قازاقستان اقتاۋ پورتى ارقىلى باكۋ–تبيليسي–جەيحان (بتج) مۇناي قۇبىرى باعىتىمەن 471 مىڭ توننا مۇناي تاسىمالداعان. بۇل تۋرالى Report اگەنتتىگى جازدى، دەپ حابارلايدى «ادىرنا» ءتىلشىسى.
«قازترانسويل» كومپانياسىنىڭ اي سايىنعى دەرەكتەرىنە سايكەس، تەك ءساۋىر ايىنىڭ وزىندە اقتاۋ پورتى ارقىلى باكۋ–تبيليسي–جەيحان باعىتىنا 125 مىڭ توننا قازاقستان مۇنايى جونەلتىلگەن.
بۇعان دەيىن ەنەرگەتيكا ءمينيسترى ەرلان اقكەنجەنوۆ 2026 جىلى قازاقستاننىڭ باكۋ–تبيليسي–جەيحان قۇبىرى ارقىلى الەمدىك نارىقتارعا مۇناي ەكسپورتىن 1,5 ملن-نان 2,2 ملن تونناعا دەيىن جەتكىزۋدى جوسپارلاپ وتىرعانىن مالىمدەگەن ەدى.
ەسكە سالايىق، 2025 جىلى قازاقستان بتج مۇناي قۇبىرى ارقىلى 1,2 ملن توننا مۇناي ەكسپورتتاعان.
ۇقساس جاڭالىقتار
