بەلگىلى جۋرناليست، شەرتپە كۇيدىڭ شەبەرى، ونەر زەرتتەۋشىسى جاۋلىباي يماناليەۆ دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
قارالى حاباردى سارسەنعالي جۇزباەۆ الەۋمەتتىك جەلىدەگى پاراقشاسىندا جەتكىزدى.
مارقۇمنىڭ قازاسى تۋرالى العاش بولىپ ونىڭ كورشىسى حابار بەرگەن. سارسەنعالي جۇزباەۆ جازباسىندا جاۋلىباي يماناليەۆتىڭ قازاق تەلەۆيزياسى مەن راديوسىنىڭ دامۋىنا، ۇلتتىق ونەردىڭ ناسيحاتتالۋىنا سىڭىرگەن ەڭبەگىن ەرەكشە اتاپ ءوتتى.
جاۋلىباي يماناليەۆ قازاقتىڭ شەرتپە كۇي ونەرىن زەرتتەپ، ناسيحاتتاۋعا زور ۇلەس قوسقان تۇلعالاردىڭ ءبىرى سانالادى. ول كۇيشى مۇحيت ايتقاليەۆپەن بىرگە وتكەن عاسىردىڭ جەتپىسىنشى جىلدارى «قاراتاۋ شەرتپەسى» اتتى سوزاق كۇيلەرىنىڭ العاشقى جيناعىن جارىققا شىعارعان. سونداي-اق ول قازاقتىڭ كورنەكتى كومپوزيتورى ءارى كۇيشى-ديريجەرى نۇرعيسا تىلەنديەۆتىڭ كۇيشىلىك ونەرىن ارنايى تەلەۆيزيالىق قورعا جازىپ قالدىرۋعا مۇرىندىق بولعان.
جاۋلىباي يماناليەۆ قازاقتىڭ داۋلەسكەر كۇيشىسى سۇگىر ءالىۇلىنىڭ كوزىن كورىپ، باتاسىن العان ساناۋلى ونەرپازداردىڭ ءبىرى بولعان.
