مەملەكەتتىك قىزمەت ىستەرى اگەنتتىگىنىڭ ەكس-توراعاسى انار جايىلعانوۆا ومىردەن ءوتتى. مەملەكەت قايراتكەرى 55 جاسىنا قاراعاندا دۇنيەدەن ءوتتى، دەپ حابارلايدى “ادىرنا” ۇلتتىق پورتالى yedilov.online ارناسىنا سىلتەمە جاساپ.
انار نۇرالىقىزى جايىلعانوۆا 1969 جىلى 10 شىلدە سەمەي قالاسى دۇنيەگە كەلگەن.
1991 جىلى ءال-فارابي اتىنداعى قازۇۋ-ءنىڭ ۇزدىك ديپلوممەن ءبىتىردى.
1992 جىلى قر ۇلتتىق عىلىم اكادەمياسىنىڭ اسپيرانتۋراسىنا ءتۇستى.
2001-2003 جىلدارى ەكونوميكا سالاسىندا ەكىنشى دارەجەلى ديپلوم الدى.
2002 جىلى "قازاقستان رەسپۋبليكاسىنداعى سوت قىزمەتىن ۇيىمدىق-قۇقىقتىق قامتاماسىز ەتۋ" تاقىرىبىندا كانديداتتىق ديسسەرتاتسيا قورعادى.
1991 جىلى قازاقستان رەسپۋبليكاسى عىلىم اكادەمياسىنىڭ فيلوسوفيا جانە قۇقىق ينستيتۋتىندا كىشى عىلىمي قىزمەتكەر بولىپ جۇمىس ىستەي باستادى.
1994 جىلى وڭتۇستىك قازاقستان وبلىستىق سوتىنىڭ كەڭەسشىسى، 1997 جىلى وسى سوتتىڭ سۋدياسى بولدى.
1999 جىلدىڭ ماۋسىمىندا ادىلەت مينيسترلىگىنىڭ سوت جۇيەسىن تالداۋ جانە جەتىلدىرۋ دەپارتامەنتى باستىعىنىڭ ورىنباسارى بولىپ تاعايىندالدى، ال وسى جىلدىڭ قاراشا ايىندا اتالعان دەپارتامەنت باستىعى بولىپ تاعايىندالدى.
1999 جىلدىڭ جەلتوقسانىندا قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىقتىق ءبولىمىنىڭ اعا مامانى لاۋازىمىنا اۋىستىرىلدى.
2000 جىلدىڭ قىركۇيەگىندە قازاقستان رەسپۋبليكاسى جوعارعى سوتىنىڭ توراعاسىنىڭ كەڭەسشىسى بولىپ تاعايىندالدى.
2004 جىلعى جەلتوقساندا قازاقستان رەسپۋبليكاسى جوعارعى سوتىنىڭ سۋدياسى بولدى.
2008 جىلعى 13 ناۋرىزدا پارلامەنت سەناتىنىڭ جارلىعىمەن قازاقستان رەسپۋبليكاسى كونستيتۋتسيالىق كەڭەسىنىڭ مۇشەسى بولىپ تاعايىندالدى.
2014 جىلى قازاقستان رەسپۋبليكاسى كونستيتۋتسيالىق كەڭەسىنىڭ مۇشەسى.
2016 جىلعى ناۋرىزدا "نۇر وتان" پارتياسىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.
2016 جىلعى 9 ماۋسىمدا قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسياعا تانىستىرىلدى.
2019 جىلدىڭ 27 اقپانىنان باستاپ "نۇر وتان" پارتياسىنىڭ ساياسي كەڭەسىنىڭ مۇشەسى بولىپ سايلاندى.
2022 جىلدىڭ 11 قاڭتارىندا قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ توراعاسى لاۋازىمىنان بوساتىلدى.
"قازاقستان رەسپۋبليكاسىنىڭ كونستيتۋتسياسىنا 10 جىل" مەرەيتويلىق مەدالىمەن، "استانا 10 جىل" مەرەيتويلىق مەدالىمەن ماراپاتتالدى. "قۇرمەت" وردەنىمەن ماراپاتتالدى، "قازاقستان رەسپۋبليكاسىنىڭ تاۋەلسىزدىگىنە 20 جىل" مەرەيتويلىق مەدالىمەن ماراپاتتالعان.
