قازاقستاندىق زاماناۋي مۋزىكانىڭ ەڭ ءىرى فەستيۆالدەرىنىڭ ءبىرى 4 جانە 5-ءشى شىلدەدە الماتىدا وتەدى.
Kaspi.kz ءۇشىنشى جىل قاتارىنان قازاقستاندىق زاماناۋي مۋزىكانىڭ ەڭ ءىرى فەستيۆالدەرىنىڭ ءبىرى – OYU Fest-ءتىڭ باس سەرىكتەسى بولادى.
فەستيۆال 4-ءشى، 5-ءشى شىلدەدە الماتىداعى ء«بىرىنشى مامىر توعاندارى» دەمالىس ساياباعىندا وتەدى. باعدارلامادا – تانىمال جاس ورىنداۋشىلار، قازاقستاندىق ساحنادا ونەر كورسەتىپ جۇرگەن جاڭا جۇلدىزدار جانە ەكى حەدلاينەر بولادى، ولاردىڭ ەسىمدەرىن ۇيىمداستىرۋشىلار ازىرگە قۇپيا ساقتاۋدا.
Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە:
«بۇگىندە زاماناۋي قازاق مۋزىكاسىن قازاقستاندا جانە ودان تىس جەردە ميلليونداعان ادام بىلەدى ءارى ءسۇيىپ تىڭدايدى. بۇعان OYU جوباسىنىڭ قوسقان ۇلەسى زور، ول تالانتتى ورىنداۋشىلاردىڭ ۇلكەن ساحناعا شىعۋىنا، ال كورەرمەندەردىڭ جاڭا جۇلدىزداردى تانۋىنا كومەكتەسەدى.
ءبىز بىرنەشە جىلدان بەرى OYU Fest فەستيۆالىنە قۋانا قولداۋ كورسەتىپ كەلەمىز جانە زاماناۋي قازاقستاندىق مۋزىكاعا دەگەن قىزىعۋشىلىقتىڭ ارتىپ كەلە جاتقانىنا قۋانامىز. بارشاڭىزدى فەستيۆالگە شاقىرامىز جانە جارقىن كوڭىل-كۇي، جاقسى مۋزىكا مەن جاڭا بەلەستەر تىلەيمىز!».
وتكەن جىلى OYU Fest الماتى مەن استانادا 25 مىڭ كورەرمەندى جينادى. فەستيۆال وتكىزىلگەن بەس جىلدىڭ ىشىندە ونىڭ ساحناسىندا «Ninety One»، «يرينا كايراتوۆنا»، قايرات نۇرتاس، Alem, Shiza, Yenlik, Dudeontheguitar, Daiynball, ALPHA, «دوس-مۇقاسان»، Moldanazar, Ayau, Dequine جانە تاعى باسقا جۇلدىزدار ونەر كورسەتتى.
OYU Fest 2026 فەستيۆالىنە بيلەتتى Kaspi.kz ءموبيلدى قوسىمشاسىنداعى Kaspi Travel سەرۆيسىندە (سىلتەمە ۇيالى تەلەفوننان اشىلادى) ساتىپ الۋعا بولادى. 12 جاسقا دەيىنگى بالالار، زەينەتكەرلەر مەن 1-ءشى جانە 2-ءشى توپتاعى مۇگەدەكتىگى بار ادامدار ءۇشىن فەستيۆالگە كىرۋ تەگىن.
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ.
Kaspi.kz سەرۆيستەرىن قازاقستان مەن تۇركيادا 25 ميلليوننان استام كليەنت پەن 900 مىڭ سەرىكتەس قولدانادى. قازاقستاندا سۋپەرقوسىمشا تولەمدەر، ەلەكتروندى كوممەرتسيا، ونلاين سۋپەرماركەت، فينتەح، ساياحات، حابارلاندىرۋ، مەملەكەتتىك قىزمەتتەر مەن باسقا دا سەرۆيستەردى بىرىكتىرەدى. تۇركيادا Kaspi.kz ەلدەگى جەتەكشى ەلەكتروندى كوممەرتسيا پلاتفورماسى – Hepsiburada-نىڭ يەسى.
