Qazaqstandyq zamanaui muzykanyŋ eŋ ırı festivalderınıŋ bırı 4 jäne 5-şı şıldede Almatyda ötedı.
Kaspi.kz üşınşı jyl qatarynan qazaqstandyq zamanaui muzykanyŋ eŋ ırı festivalderınıŋ bırı – OYU Fest-tıŋ bas serıktesı bolady.
Festival 4-şı, 5-şı şıldede Almatydaǧy «Bırınşı mamyr toǧandary» demalys saiabaǧynda ötedı. Baǧdarlamada – tanymal jas oryndauşylar, qazaqstandyq sahnada öner körsetıp jürgen jaŋa jūldyzdar jäne ekı hedlainer bolady, olardyŋ esımderın ūiymdastyruşylar äzırge qūpiia saqtauda.
Kaspi.kz basşysy jäne negızın qalauşylardyŋ bırı Mihail Lomtadze:
«Bügınde zamanaui qazaq muzykasyn Qazaqstanda jäne odan tys jerde milliondaǧan adam bıledı ärı süiıp tyŋdaidy. Būǧan OYU jobasynyŋ qosqan ülesı zor, ol talantty oryndauşylardyŋ ülken sahnaǧa şyǧuyna, al körermenderdıŋ jaŋa jūldyzdardy tanuyna kömektesedı.
Bız bırneşe jyldan berı OYU Fest festivalıne quana qoldau körsetıp kelemız jäne zamanaui qazaqstandyq muzykaǧa degen qyzyǧuşylyqtyŋ artyp kele jatqanyna quanamyz. Barşaŋyzdy festivalge şaqyramyz jäne jarqyn köŋıl-küi, jaqsy muzyka men jaŋa belester tıleimız!».
Ötken jyly OYU Fest Almaty men Astanada 25 myŋ körermendı jinady. Festival ötkızılgen bes jyldyŋ ışınde onyŋ sahnasynda «Ninety One», «İrina Kairatovna», Qairat Nūrtas, Alem, Shiza, Yenlik, Dudeontheguitar, Daiynball, ALPHA, «Dos-Mūqasan», Moldanazar, Ayau, Dequine jäne taǧy basqa jūldyzdar öner körsettı.
OYU Fest 2026 festivalıne bilettı Kaspi.kz mobildı qosymşasyndaǧy Kaspi Travel servisınde (sılteme ūialy telefonnan aşylady) satyp aluǧa bolady. 12 jasqa deiıngı balalar, zeinetkerler men 1-şı jäne 2-şı toptaǧy mügedektıgı bar adamdar üşın festivalge kıru tegın.
Kaspi.kz turaly
Kaspi.kz missiiasy – klientter men serıktesterdıŋ ömırın jaqsartatyn innovasiialyq önımder men qyzmetter jasau.
Kaspi.kz servisterın Qazaqstan men Türkiiada 25 millionnan astam klient pen 900 myŋ serıktes qoldanady. Qazaqstanda superqosymşa tölemder, elektrondy kommersiia, onlain supermarket, finteh, saiahat, habarlandyru, memlekettık qyzmetter men basqa da servisterdı bırıktıredı. Türkiiada Kaspi.kz eldegı jetekşı elektrondy kommersiia platformasy – Hepsiburada-nyŋ iesı.
